На состанокот на Германско-македонскиот заеднички економски управен комитет (ЈЕСКО), кој се одржа во Сојузното министерство за економски работи и енергетика на Сојузна Република Германија во Берлин, Македонија испрати порака дека енергетската трансформација е веќе активен процес што дава конкретни резултати, стои во соопштението од Министерството за енергетика, рударство и минерални суровини.
Во рамки на официјалната делегација, државниот секретар во Министерството за енергетика, рударство и минерални суровини, Горан Јовановски, се обрати на состанокот, при што говореше за енергетската политика, декарбонизацијата, инвестицискиот развој и сигурноста на снабдувањето, стои во соопштението.
Тој истакна дека државата води енергетска политика заснована на два клучни приоритети – забрзана декарбонизација и стабилно снабдување со енергија. Според него, со новиот Закон за енергетика донесен во мај 2025 година, воспоставен е модерен и транспарентен систем усогласен со европските стандарди, кој обезбедува поголема предвидливост за инвеститорите, стои во соопштението од Министерството.
Како што е наведено во соопштението , Јовановски нагласи дека со воведување системско планирање и годишни планови за енергетски капацитети и складирање, државата преминува кон координиран и стратешки пристап во развојот на секторот.
Тој додаде дека е во тек засилен инвестициски циклус во обновливи извори на енергија и системи за складирање, што веќе придонесува за зголемено домашно производство, намалена увозна зависност и зајакнување на енергетската независност. Паралелно се спроведува модернизација на електроенергетската мрежа и развој на паметни системи за балансирање, стои во соопштението
Во завршна фаза е и новиот Закон за обновливи извори на енергија, кој треба да овозможи побрзи и поедноставени инвестиции, со цел зголемување на учеството на чистата енергија и намалување на емисиите, стои во соопштението од Министерството.
Во рамки на состанокот беше претставен и Интегрираниот национален план за енергија и клима 2025–2030, кој опфаќа 61 мерка за декарбонизација, енергетска ефикасност и реформа на пазарот, стои во сопштението.
Јовановски посочи дека енергетската безбедност останува клучен приоритет, преку диверзификација на изворите, нови интерконекции и регионална соработка, нагласувајќи дека таа е прашање и на економска и на национална безбедност, стои во соопштението.
Состанокот овозможи и директен дијалог меѓу институциите, бизнис-заедницата и експертите од двете земји, со фокус на инвестициската клима и стратешките приоритети, стои во соопштението од Министерството.
Македонија, како што беше истакнато, останува посветена на европската интеграција и усогласување со ЕУ стандардите во енергетиката и климатските политики, преку реформи, транспарентна имплементација и мерливи резултати, стои во соопштението.
