Македонската тенисерка Лина Ѓорческа стартуваше со победа во Лајпциг

Најдобрата македонска тенисерка Лина Ѓорческа успешно го започна настапот на W75 турнирот во Лајпциг, Германија, откако во првото коло ја совлада Украинката Анастасија Фирман со 2:1 во сетови (6:4, 4:6, 6:4).

— реклама —

Мечот траеше два часа и 30 минути, а Ѓорческа до победата стигна по голема борба. Во првиот сет беа направени дури седум брејка, од кои четири ги освои македонската тенисерка, која сетот го доби со 6:4. Во вториот сет Фирман возврати со ист резултат и израмни на 1:1.

— реклама —

Во решавачкиот сет Ѓорческа направи клучен брејк за водство од 4:2. Иако Украинката успеа да врати еден брејк, македонската тенисерка веднаш возврати со нов брејк и го доби сетот со 6:4, а со тоа и натпреварот.

— реклама —

Во второто коло Ѓорческа ќе се соочи со Чехинката Алена Ковачкова, која во првото коло со 2:0 во сетови ја победи Сохун Парк.

Турнирот во Лајпциг се игра за награден фонд од 60.000 американски долари.