Две лица загинаа, а две се тешко повредени при пад на мал авион во Австрија, соопштија локалните служби за итни интервенции.
Несреќата се случила во близина на местото Гаминг, во покраината Долна Австрија. Според полицијата, во авионот се наоѓале вкупно четири лица.
Во несреќата загинал еден маж и уште едно лице, чиј идентитет сè уште не е утврден. Друг маж и една жена се здобиле со тешки повреди и со хеликоптер биле пренесени во болница.
Авионот се урнал на тешко пристапен терен, а засега нема информации за рутата на летот ниту за причините што довеле до несреќата.
Надлежните органи спроведуваат истрага за утврдување на околностите под кои се случила авионската несреќа.
