Малолетници на возраст од 13 и 17 години меѓу приведените поради дрогa

Шест лица, меѓу кои две малолетни, биле приведени во одделни полициски акции во Скопје, Куманово и Кочани, а против жител на Прилеп е поднесена кривична пријава откако во неговиот дом биле пронајдени стебла канабис.

— реклама —

На 21 и 22 август, на различни локации во Скопје, полициски службеници ги лишиле од слобода малолетници на возраст од 13 и 17 години од Скопје, како и Б.С.(19) од Струга. Кај нив биле пронајдени и одземени тврда кафеава материја и марихуана.

— реклама —

Во Куманово бил приведен Д.М.(37), кај кого полицијата пронашла марихуана, додека во Кочани бил лишен од слобода С.М.(27), исто така поради пронајдена марихуана.

— реклама —

СВР Битола поднесе кривична пријава против И.Ѓ.(48) од Прилеп поради сомнение за неовластено производство и пуштање во промет наркотични дроги, психотропни супстанции и прекурзори. При претрес во неговиот дом на 18 август биле пронајдени и одземени стебла канабис.

Од МВР информираат дека по целосното документирање на одделните случаи ќе бидат поднесени соодветни пријави.