ДРОГА

Шест лица уапсени за дрога во Тетово, Штип и Скопје

Шест лица, меѓу кои и малолетник, биле лишени од слобода во полициски акции спроведени во изминатото деноноќие на повеќе локации низ државата, откако кај нив била пронајдена дрога.Во Тетово, денеска околу 00:15 часот, полициски службеници ги привеле А.Ц. (19) и И.А. (50), откако при забележување на полицијата фрлиле кеса со бела прашкаста материја. Двајцата се задржани во полициска станица и по документирање на случајот против нив ќе биде поднесена соодветна пријава.Во Штип, околу 01:00 часот, бил приведен Б.А. (23) од Куманово, кај кого била пронајдена марихуана. Претходно, во петокот вечерта, во истиот град бил лишен од слобода и Ф.К. (28) од Скопје, исто така поради поседување марихуана.Во Скопје, пак, во текот на 6 и 7 јуни, на различни локации биле приведени М.Ц. (21) и 17-годишен малолетник, кај кои била пронајдена прашкаста материја.Од Министерството за внатрешни работи информираат дека по целосно документирање на сите случаи ќе следуваат соодветни поднесоци против приведените лица.

Македонија | пред 3 дена

Осум лица приведени во полициски акции поврзани со дрога

Осум лица биле лишени од слобода во текот на изминатите два дена во повеќе одвоени случаи поврзани со дрога, соопшти Министерството за внатрешни работи.Во Струмица, полициски службеници го привеле 23-годишниот Н.М., кај кого била пронајдена марихуана. При претрес во неговиот дом, извршен по судска наредба, биле пронајдени уште две пакувања со марихуана. За случајот е известен јавен обвинител, а лицето е задржано во полициска станица.Во село Боговиње, тетовско, пред угостителски објект биле приведени две лица на возраст од 38 години поради сомнеж за сторено кривично дело „неовластено производство и пуштање во промет на наркотични дроги, психотропни супстанции и прекурсори“.Во Прилеп бил лишен од слобода 30-годишен прилепчанец кај кого била пронајдена марихуана.На подрачјето на Скопје, полициски службеници привеле четири лица. На Бит Пазар, кај 30-годишен скопјанец била пронајдена бела грутчеста материја, во Гази Баба кај 28-годишник била пронајдена марихуана, во Центар кај 24-годишник била пронајдена прашкаста материја, додека во Аеродром бил приведен 24-годишен државјанин на Турција кај кого била пронајдена марихуана.Од МВР информираат дека по целосното документирање на сите случаи, против лицата ќе бидат поднесени соодветни обвиненија.

Македонија | пред 1 седмица

Низа полициски акции: Осум лица лишени од слобода поради дрога

Осум лица биле лишени од слобода во текот на изминатото деноноќие во повеќе одвоени случаи поврзани со недозволена трговија и поседување дрога, соопшти Министерството за внатрешни работи.Во Скопје, на подрачјето на Центар, во првите минути по полноќ бил приведен 34-годишниот Р.М., кај кого била пронајдена марихуана. Претходно, на подрачјето на Карпош бил лишен од слобода и 37-годишниот Е.М., кај кого била пронајдена бела прашкаста материја.Во КПУ Затвор Идризово бил приведен 37-годишниот Ф.А. од скопското село Грчец, вработен во установата, откако при влез во видувалната оставил кафеава прашкаста материја на рафт.Во Струга бил уапсен 54-годишниот А.Н., кај кого била пронајдена опаковка со бела прашкаста материја, додека во Неготино бил приведен 17-годишник, кај кого била пронајдена цигара со зелена растителна материја.Во Прилеп, пак, полицијата лишила од слобода двајца малолетници, откако при преглед кај едниот од нив била пронајдена марихуана.На Граничниот премин Табановце, при влез во државата, бил приведен и 42-годишниот Т.Ц. од Унгарија. При контрола на неговото возило и личниот багаж биле пронајдени бела прашкаста материја и таблети.Од МВР информираат дека по целосното документирање на случаите против сите лица ќе бидат поднесени соодветни пријави и поднесоци.

Македонија | пред 1 седмица

Лишен од слобода кумановец кај кого била пронајдена бела прашкаста материја

Дваесет и четиригодишен жител на Куманово е лишен од слобода откако во неговото возило биле пронајдени неколку пакувања со бела прашкаста материја, соопшти Министерството за внатрешни работи.Според информациите, на 28 мај околу 19:10 часот, полициски службеници од Мобилната единица за компензаторни мерки при Одделот за гранични работи и миграции го привеле М.И. (24) од Куманово.Претходно, на автопатот од граничниот премин Табановце кон Куманово, било запрено патничко возило „Фиат“ со кумановски регистарски ознаки, управувано од приведениот. При контролата, во возилото биле пронајдени неколку пакувања со бела прашкаста материја.Од извршените проверки било утврдено дека лицето издржува затворска казна и во моментот се наоѓало на одобрен прекин.За случајот бил известен јавен обвинител, а по неговото целосно документирање ќе биде поднесен соодветен поднесок.

Македонија | пред 1 седмица

Чешката полиција пронашла дрога во автомобил на руски епископ

Чешката полиција го ослободи рускиот православен епископ Иларион, кој беше приведен под сомнение за поседување дрога, по што Москва го осуди апсењето како политички мотивирана местенка.Епископот Иларион, чие световно име е Григориј Алфеев, бил запрен во неделата во Карлови Вари, познат чешки бањски град, популарен меѓу руските туристи. При претресот, полицијата во багажникот од неговото возило пронашла садови со бела супстанца.Во објава на Телеграм, Иларион потврди дека форензичките анализи покажале дека станува збор за забранет наркотик, но тврди дека дрогата му била подметната.„Самото откривање на забранетата супстанца не одговара на клучното прашање – како тие предмети воопшто се нашле во возилото“, напиша тој.Чешките власти соопштија дека автомобилот бил запрен по анонимна дојава за транспорт на наркотични и психотропни супстанции.Руското Министерство за надворешни работи случајот го оцени како „намерна и оркестрирана провокација“, додека Руската православна црква го нарече инцидентот „класична местенка“.Поради приведувањето на епископот, Москва на разговор го повика чешкиот вршител на должност во руската престолнина, Јан Ондржејка, за да му врачи официјален протест.Иларион некогаш важеше за еден од највлијателните луѓе во Руската православна црква и близок соработник на патријархот Кирил. Тој го водеше одделот за надворешни црковни односи, функција која често се споредува со министер за надворешни работи на Црквата.По почетокот на руската инвазија врз Украина во 2022 година, Иларион беше деградиран и испратен во странство, откако јавно не ја поддржа, но ниту ја осуди војната.Во декември 2024 година беше сменет од функцијата во Будимпештанско-унгарската епархија по обвинувања за сексуално вознемирување од негов поранешен помошник, што тој ги негира.Иларион се соочи и со критики поради наводен луксузен начин на живот, вклучувајќи јахти и скијање, како и извештаи за имот во близина на Будимпешта. Тој тврдеше дека сè финансирал од авторски права од книги и филмови.

Свет | пред 2 седмици

Приведен скопјанец во Центар, кај него пронајдена марихуана

Полициски службеници од СВР Скопје на 24 мај го лишиле од слобода Г.Д. (25) од Скопје на подрачјето на Центар, откако кај него била пронајдена и одземена марихуана.Како што информираат од Министерството за внатрешни работи, по целосно документирање на случајот, против него ќе биде поднесен соодветен поднесок.

Македонија | пред 2 седмици

Најголема заплена на дрога во Европа: 30 тони кокаин вреден 812 милиони евра

Шпанската полиција запленила 30 тони кокаин од брод во близина на Канарските Острови, што претставува најголема заплена на дрога досега во Европа, соопштил Високиот суд.Бродот „Аркониан“, кој пловел под знамето на Коморите, бил запрен на 1 мај во операција во која учествувале и американските и холандските власти.Вредноста на запленетата дрога се проценува на повеќе од 812 милиони евра, односно околу 956 милиони долари.Со оваа акција повеќе од двојно е надминат претходниот шпански рекорд од 13 тони, а надминат е и досегашниот европски рекорд од 25 тони кокаин запленети во Хамбург во 2024 година.Полицијата верува дека кокаинот требало да биде префрлен на брзи чамци и прошверцуван до шпанското копно.На бродот биле пронајдени оружје и муниција, а шест членови на екипажот биле откриени скриени за време на полициското качување на пловилото.Од вкупно 23 членови на екипажот, 17 биле од Филипините, а шестмина од Холандија и Суринам.Судот им одредил притвор без можност за кауција на сите уапсени поради тежината на кривичното дело, опасноста од бегство и ризикот од повторување на делото.Деталите од операцијата ќе бидат претставени на прес-конференција в петок.

Свет | пред 1 месец

Словенец уапсен во Хрватска – полицијата пронашла лабораторија за марихуана и над 4 килограми дрога

Хрватската полиција поднесе кривична пријава против 35-годишен државјанин на Словенија, поради сомнение за производство, продажба и овозможување користење на дрога, откако во објекти што ги користел на подрачјето на Каштела биле пронајдени повеќе од четири килограми марихуана и импровизиран лабораториски систем за одгледување.Полицијата, постапувајќи по судска наредба, извршила претрес и во просториите открила вкупно 4.131 грам марихуана спакувана во различни пакувања, како и 58 стебла канабис со висина од 44 до 75 сантиметри. Според сомневањата, дрогата била произведувана со цел натамошна продажба.Во истите простории бил пронајден и демонтиран систем со елементи за внатрешно одгледување на индиски коноп, како и две прецизни дигитални ваги.Криминалистичката истрага утврдила и дека осомничениот во периодот од 25 април до 3 мај, во повеќе наврати му овозможил користење дрога на уште еден 35-годишен државјанин на Словенија.Осомничениот ќе биде предаден во притворска единица, заедно со кривичната пријава, во текот на утрешниот ден.

Свет | пред 1 месец

Полицијата во Скопје лиши од слобода неколку лица, запленети дрога и оружје

На 25 и 26 април 2026 година во Скопје, на повеќе локации, полициски службеници од Секторот за внатрешни работи Скопје лишија од слобода повеќе лица поради пронајдени и одземени наркотични средства и предмети.Станува збор за В.К. (53), А.И. (52), Т.Б. (46) и А.З. (41), сите од Скопје, како и Б.И. (26) од село Буковиќ, општина Сарај, Д.Ф. (26) од Куманово, М.И. (22) и еден малолетник од Тетово. При извршените контроли кај нив се пронајдени и одземени бела прашкаста материја, марихуана, нож на расклопување и дробилка.По целосно документирање на случаите, против сите инволвирани лица ќе бидат поднесени соодветни пријави.

Македонија | пред 1 месец

Десет лица приведени во Скопје, пронајдена дрога на повеќе локации

Во текот на ноќта меѓу 18 и 19 април 2026 година, на повеќе различни локации во Скопје, полициски службеници од СВР Скопје лишиле од слобода десет лица, меѓу кои и малолетник, информираат од МВР.Приведени се М.Г. (28), В.В. (50), Д.М. (45), Е.И. (40), П.П. (26), Ј.Ѓ. (23) и 15-годишник, сите од Скопје, како и К.И. (28) од село Јурумлери, М.Г. (29) од Хрватска и С.П. (24) од Грција.Според информациите од МВР, кај нив биле пронајдени и одземени бела грутчеста материја, прашкаста материја, марихуана и таблети.По целосно документирање на случаите, против приведените ќе бидат поднесени соодветни поднесоци.

Скопје | пред 1 месец

Синот на Теута Арифи приведен под сомнение за продажба на дрога

Според соопштението на полицијата, на 16 април 2026 година во 22:05 часот полициски службеници од СВР Тетово лишиле од слобода 16-годишник од Тетово, поради сомнение дека сторил кривично дело поврзано со недозволена трговија со наркотични средства според член 215 од Кривичниот законик.Во рамки на постапката бил извршен претрес на објект во Тетово, кој малолетникот го изнајмил и го користел со согласност на сопственикот. При претресот биле пронајдени и запленети 34 пакувања марихуана, како и кутија и кеса со марихуана, а дополнително било пронајдено и едно пакување бела прашкаста материја.Малолетникот бил веднаш приведен во полициска станица, каде е задржан за понатамошна постапка. Во присуство на родител ќе биде извршен службен разговор со него, а полицијата најавува дека по целосното документирање на случајот ќе биде поднесена соодветна кривична пријава.Случајот доаѓа по претходни медиумски информации за полициски активности во Тетово поврзани со истрага за наводна вклученост на малолетник во продажба на наркотични средства, како и претреси на повеќе локации, кои биле предмет на проверка од надлежните институции.

Македонија | пред 1 месец

Приведени четири лица, пронајдена дрога на повеќе локации

Од Министерството за внатрешни работи информираат дека на 11 април 2026 година во Скопје, на различни локации, полициски службеници од СВР Скопје ги лишиле од слобода Ф.М. (23), Т.Б. (24), Д.М.А. (24) и Ф.Е. (27), сите од Скопје.Како што наведуваат од МВР, кај нив била пронајдена и одземена бела прашкаста материја и марихуана.По целосно документирање на случаите, против нив ќе следуваат соодветни поднесоци, додаваат од Министерството за внатрешни работи.

Македонија | пред 1 месец

Детали за апсењата од утринава: седум уапсени, разбиена криминална група поврзана со дрога и оружје

Лишени од слобода седум лица, сузбиена организирана криминална група инволвирана во недозволена трговија со дрогаДенеска (07.04.2026) Одделот за сузбивање на организиран и сериозен криминал во содејство со СВР Струмица, како и припадници на ЕБР и САЕ “Тигар”, во координација со јавен обвинител при ОЈО ГОКК спроведоа координирана полициска операција со цел сузбивање на организирана криминална група која делувала на повеќе локации на територијата на РС Македонија, инволвирана во организирање, набавка, продажба и пуштање во промет на наркотична дрога.По преземените оперативно тактички мерки од страна на полициските службеници, од слобода се лишени седум лица, од кои четири од Струмица, две од Скопје и едно лице од Штип, а извршени се претреси на 15 локации на подрачје на Скопје, Струмица и Штип.За време на спроведувањето на полициската акција, обезбедени се материјални докази, односно пронајдена е и одземена дрога, пиштол, рамка за пиштол и муниција, седум патнички моторни возила, седум телефонски апарати, како и поголем износ на парични средства.Преземањето на соодветни мерки и активности продолжуваат и понатаму во насока на обработка и вештачење на одземените предмети кои потекнуваат од кривично дело, потоа спроведување на лицата пред судија на претходна постапка, како и поднесување на кривична пријава до надлежното Јавно обвинителство поради постоење на основи на сомневање за сторено кривично дело „неовластено производство и пуштање во промет наркотични дроги, психотропни супстанции и прекурсори” по чл.215 ст.3 од КЗ.

Македонија | пред 2 месеци

Дрога во четири торби, бегство и апсење: акција на полицијата кај Градско, успсен скопјанец и кавадарчанец

Основното јавно обвинителство Велес донесе Наредба за спроведување истражна постапка против две лица осомничени за неовластено производство и пуштање во промет наркотични дроги, откако кај наплатната рампа Стоби беа откриени околу 65 килограми марихуана.Според обвинителството, осомничените заеднички организирале транспорт на дрогата, при што 38-годишен жител на Скопје ја превезувал марихуаната во автомобил со скопски регистарски ознаки, спакувана во четири големи црни патни торби.Вториот осомничен, 55-годишник од Кавадарци, имал улога на т.н. „чистач“, односно со друго возило се движел како претходница со задача да предупредува за евентуални полициски контроли.Полициски службеници на наплатната рампа забележале сомнително однесување на возилото со дрогата, а по даден знак за запирање, возачот се дал во бегство кон Градско. По кратка потера, полицијата успеала да го запре возилото и при извршениот преглед била пронајдена марихуаната.Јавниот обвинител до судија на претходна постапка при Основниот суд во Велес доставил предлог за определување мерка притвор за првиот осомничен, додека истрагата за целиот случај продолжува.

Македонија | пред 2 месеци

(Видео) Акција на МВР и „Тигар“: пресечен транспорт за марихуана на автопатот „Пријателство“

Министерството за внатрешни работи соопшти дека е пресечен транспорт на дрога во близина на Градско, при што се запленети 65 килограми марихуана и приведени се две лица.Акцијата била реализирана на 3 април од страна на Одделот за сузбивање на организиран и сериозен криминал, во координација со специјалната антитерористичка единица „Тигар“, при спроведување на оперативно-тактичка мерка „заседа“ на автопатот „Пријателство“.На наплатната рампа Стоби, полицијата забележала сомнително возило „сеат алтеа“ со скопски регистарски ознаки. По даден знак за запирање, возачот не застанал, туку со голема брзина се дал во бегство кон Градско. Набрзо бил запрен и легитимиран, по што бил извршен преглед на возилото.При контролата, во возилото управувано од Ф.Н. биле пронајдени четири црни торби со вкупно 65 кеси со растителна материја, со вкупна тежина од околу 65 килограми, како и два мобилни телефони.Лишени од слобода се Ф.Н. (38) од Скопје и Ј.М. (55) од Кавадарци, кои се задржани во полициска станица во Велес.Против нив ќе биде поднесена кривична пријава до Основното јавно обвинителство Велес, поради сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори“ по член 215 од Кривичниот законик.По наредба на јавен обвинител, запленетата материја ќе биде предадена на вештачење во Одделот за форензички испитувања при МВР.

Македонија | пред 2 месеци

Уапсени шест лица, меѓу кои и малолетник од скопско Волково: им била пронајдена дрога

Во периодот од 31 март до 1 април 2026 година, на повеќе локации во Скопје, полициски службеници од СВР Скопје лишиле од слобода шест лица, кај кои била пронајдена дрога.Како што информира МВР, приведени се И.А.(38), И.К.(25) и Е.Е.(34), сите од Скопје, Р.О.(22) од село Огњанци, скопско, 17-годишник од село Волково, како и А.Б.(46) од Тетово.При извршените контроли, кај нив биле пронајдени и одземени бела прашкаста материја, марихуана и семки од канабис.Од МВР информираат дека по целосно документирање на случаите, против приведените ќе бидат поднесени соодветни поднесоци.

Скопје | пред 2 месеци

Полициско куче откри 800 грама закопан амфетамин

Сплитско-Далматинската полиција уапси 56-годишник на чиј имот во населбата Слатина, за време на претрес со помош на службено куче, пронајде околу 800 грама амфетамин закопан во земја. Покрај дрогата, полицијата одзеде и воздушна пушка, дигитална вага за мерење, уред за вакумирање, два мобилни телефони и три заштитени школки периски.Претресот го спровеле полицајците од Полициската станица Трогир во соработка со службениците од Аеродромската полиција Ресник. Службеното куче реагирало на присуство на дрога во дворот, по што била извадена метална кутија со 793 грама амфетамин.Осомничениот е предаден на притворски надзорник и се товари за кривично дело неовластено производство и промет на дроги, уништување заштитени делови на природата и прекршок според Законот за набавка и поседување на оружје.Исто така, уапсена е и 36-годишна жена кај која се пронајдени 1,8 грама амфетамин. Таа ќе биде приведена на надлежен суд за прекршок според Законот за спречување злоупотреба на дроги.

Свет | пред 2 месеци

Колумбиската морнарица заплени двa тони марихуана вредни над 21 милион долари

Колумбиските вооружени сили запленија две тони марихуана од пловило на кое се наоѓале четири лица, за време на операција за поморска безбедност во централните води на Пацификот.Властите соопштија дека со оваа акција е спречена дистрибуција на околу 334.000 дози дрога. Според официјални лица, вредноста на запленетата стока надминува 21 милион долари, што претставува значителна финансиска загуба за криминалните организации.

Свет | пред 3 месеци

СДСМ прашува: Кој дозволи 5 тони дрога да помине граница?

Социјалдемократскиот сојуз на Македонија соопшти дека најавената заплена на 40 тони марихуана, масло од канабис и биомаса од страна на Министерството за внатрешни работи не го одговара клучното прашање – кој дозволил пет тони дрога да поминат преку македонската граница.Од СДСМ оценуваат дека власта води медиумска кампања за дефокусирање на јавноста, додека МВР молчи за одговорноста на институциите. Според партијата, за транспорт на пет тони дрога потребни се повеќе камиони, што, како што наведуваат, не можело да се случи без знаење или поддршка од структури во МВР, Царината и други државни институции.„Началници, раководители, службеници, инспектори и функционери мора да понесат одговорност. Без институционална поддршка, невозможно е да се шверцуваат тони дрога преку државната граница“, велат од СДСМ.Партијата бара МВР да престане да ја избегнува одговорноста и јавно да одговори кој овозможил шверц на пет тони дрога и кои лица ќе бидат повикани на одговорност.

Македонија | пред 4 месеци

(Видео) Први официјални информации: Запленети над 40 тони марихуана и над 1.300 шишиња масло од канабис, се испитува врска со заплената во Србија

Министерството за внатрешни работи ја известува јавноста дека во тек е опсежна акција, во рамки на која е запленета голема количина на марихуана. Во правно лице во Скопје пронајдени се и одземени околу девет тони марихуана и над 1300 шишиња произведено масло од канабис (полупроизвод). Од правни лица пак од источниот регион, одземени се над 31 тони марихуана и биомаса.@Во координација со Царинската управа и надлежната Комисија за контрола на овој вид на дејност од Министерство за здравство извршени се контроли во повеќе правни лица чија основна дејност е одгледување зачински, ароматични и лековити растенија и растенија со употреба во фармацијата, а во координација со јавен обвинител од ОЈО за ГОКК, се преземаат мерки и активности заради утврдување на фактите дали неодамна запленетата марихуана во Р.Србија  потекнува од нашата држава.Со оглед на тоа дека едно од осомничените и приведени лица во Р.Србија е дел од сопственичката структура во правното лице од Скопје, извршени се детални проверки и контроли на количината која е затечена во правното лице и целосната документација која што е пронајдена во просториите на правното лице. Врз основа на пронајдената документација од страна на Комисијата од Министерството за здравство  сочинет е записник, во кој се констатирани низа неправилности при работењето и голема неусогласеност во однос на количините кои правното лице ги поседува, произведува, набавува и отуѓува. Со оглед на констатираните неправилности и по доставено известување од надлежен Јавен обвинител, од просториите на правното лице е подигната целосната количина на пронајдена марихуана. Исто така, извршени се проверки во неколку правни лица во источниот регион каде исто така од надлежната комисија се утврдени неправилности и неусогласеност во однос на количините кои правните лица ги поседуваат, произведуваат, набавуваат и отуѓуваат, по што е одземена затекнатата количина.Министерството за внатрешни работи во координација со ОЈО ГОКК, каде е формиран посебен тим за овој и слични предмети, продолжува и во наредниот период со преземање на мерки и активности за целосно расчистување на овие случаи.МВР по завршување на акцијата и по целосно расчистување на случаите детално ќе ја информира јавност“, информираат од МВР.

Македонија | пред 4 месеци

Полиција, истражители, медицински тимови влегоа во фирмата поврзувана со шверцот на марихуната од Македонија за Србија

Полицијата и истражителите цел денср во седиштето на фирмата што се поврзува со шверцот на пет тони марихуана од Македонија кон Србија. Голема полициска присутност се забележува во кругот на поранешната фабрика „Охис“, додека паралелно се вршат проверки и на повеќе локации во струмичкиот регион. На терен се присутни и медицински тимови.Акцијата се спроведува по наредба на Обвинителството за гонење на организиран криминал и корупција, кое ја води истрагата за меѓународниот шверц на дрога.Во фокусот на истрагата е компанијата „Алфафарм ДОО Скопје“, регистрирана во 2023 година, со дејност одгледување и преработка на билки, ароматични и лековити растенија за фармацевтска употреба. Според податоците од Централниот регистар, компанијата има акционерски капитал од околу 529 илјади евра и повеќе ко-сопственици, од кои еден е осомничен во постапката што ја води Обвинителството.Јавно достапните финансиски податоци покажуваат дека фирмата работи со загуба, а во 2024 година пријавила минус од над осум милиони денари. Лиценцата за одгледување канабис за медицински цели ја добива во април минатата година, а седиштето ѝ е во скопска Кисела Вода.Случајот повторно го отвора прашањето за поврзаноста на лица од Србија со македонски компании за одгледување медицински канабис, тема што веќе еднаш беше актуализирана по аферата „Јовањица“. Истрагата е во тек, а надлежните најавуваат дополнителни дејствија.

Македонија | пред 4 месеци

Три лица поврзани со петте тони дрога од Македонија завршија во притвор

Вишиот суд во Белград синоќа, на 31 јануари, им одреди притвор на тројца од уапсените лица по рекордната заплена на пет тони марихуана во селото Коњух кај Крушевац. Притвор им е одреден на Н.С., Р.С. и И.Д., поради опасност од бегство, можност за влијание врз сведоци, ризик од повторување на кривичното дело, како и поради нарушување на јавниот ред и мир, соопштија од Вишиот суд, пренесуваат српските медиуми.Јавното обвинителство за организиран криминал претходно објави дека е донесена наредба за спроведување истрага против Александар Мијајловиќ, Небојша Спасојевиќ, Раде Спасојевиќ, Иван Драгниќ и Урош Младеновски. Според обвинителството, станува збор за организирана криминална група која дејствувала на меѓународно ниво и во текот на јануари 2026 година набавила повеќе од пет тони марихуана на територијата на Република Македонија.Како што наведуваат истражните органи, по план на организаторот, осомничениот Иван Драгниќ ја транспортирал дрогата преку државната граница до магацин поврзан со семејството Спасојевиќ, од каде што осомничениот Урош Младеновски ја преземал за понатамошна продажба на српскиот пазар. Според официјалните податоци, станува збор за точно 5.002.079,18 грама марихуана, што оваа заплена ја прави најголема во историјата на Србија.Особено внимание во јавноста и во истрагата предизвикува фактот што осомничениот Иван Драгниќ е косопственик на компанијата регистрирана во Скопје за производство и преработка на медицински канабис. Според српските медиуми, овој податок дополнително ја зајакнува тезата за меѓународен карактер на криминалната операција и отвора прашања за потеклото на наркотичната дрога.По сослушувањето, сите осомничени го искористиле законското право да се бранат со молчење, по што обвинителството побарало притвор за сите лица, оценувајќи дека сериозноста на делото и количината на дрогата претставуваат висок ризик за истрагата. За Александар Мијајловиќ, кој е означен како организатор на криминалната група и се наоѓа во бегство, поднесен е предлог за распишување потерница, вклучително и меѓународна.Министерот за внатрешни работи на Србија, Ивица Дачиќ, изјави дека станува збор за најголемата заплена на дрога досега во земјата, нагласувајќи дека акцијата претставува рекорд во историјата на српската полиција. Според официјалните податоци, претходниот рекорд изнесувал 1.960 килограми, додека во текот на целата мината година во Србија биле запленети вкупно 6,1 тон различни наркотични супстанци.

Свет | пред 4 месеци

(Видео) Србија ја тресе најголемата нарко-афера која води до Македонија: рекордна заплена на марихуана

Набавката на повеќе од пет тони марихуана oд територијата на Република Македонија е клучниот елемент во истрагата за најголемата заплена на дрога во историјата на Србија. Според српското Обвинителство за организиран криминал, организирана криминална група од почетокот на јануари до 29 јануари 2026 година во Македонија се стекнала со точно 5.002.079,18 грама марихуана, која потоа била транспортирана преку граница и пласирана на српскиот пазар.Како што наведуваат истражните органи, дрогата, по план на организаторот, преку државната граница ја пренесувал осомничениот Иван Драгниќ, по што била складирана во магацин поврзан со семејството Спасојевиќ. Од таму, осомничениот Урош Младеновски ја преземал марихуаната за понатамошна продажба.Особено внимание предизвикува фактот што Иван Драгниќ е косопственик на скопската компанија ALPHAPHARM, регистрирана за производство и преработка на медицински канабис, пишува Блиц. Овој податок, според српските медиуми, дополнително ја зајакнува тезата за меѓународен карактер на криминалната операција и ја отвора линијата на истрага поврзана со потеклото на дрогата.Во рамки на предметот, јавниот обвинител за организиран криминал во Србија донесе наредба за спроведување истрага против Александар Мијајловиќ, Небојша Спасојевиќ, Раде Спасојевиќ, Иван Драгниќ и Урош Младеновски, поради сомнение за неовластено производство и ставање во промет на наркотични дроги.По сослушувањето, сите осомничени го искористиле законското право да се бранат со молчење, по што обвинителството побарало притвор за сите лица од судијата за претходна постапка при Посебното одделение за организиран криминал на Вишиот суд во Белград. Предлогот е образложен со сериозноста на делото и со фактот дека станува збор за рекордна количина наркотична дрога.За Александар Мијајловиќ, кој е означен како организатор на криминалната група и се наоѓа во бегство, поднесен е и предлог за распишување потерница, вклучително и меѓународна.Министерот за внатрешни работи на Србија, Ивица Дачиќ, изјави дека станува збор за најголемата заплена на дрога досега во земјата, нагласувајќи дека акцијата претставува рекорд во историјата на српската полиција. Според официјалните податоци, претходниот рекорд изнесувал 1.960 килограми, додека во текот на целата мината година биле запленети вкупно 6,1 тон различни наркотични супстанци.

Свет | пред 4 месеци

Истрага против четири лица за пронајдени дрога и оружје во Брвеница

Основното јавно обвинителство во Тетово отвори истражни постапки против четворица лица по претресите извршени во Брвеница, при кои беа пронајдени наркотична дрога и оружје.Тројца од осомничените се товари за кривично дело – Неовластено изработување, држење, посредување и тргување со оружје и експлозивни материи. Кај еден од нив бил пронајден пиштол со два куршуми во рамка и уште 20 куршуми за автоматска пушка. Друг осомничен поседувал 55 куршуми, од кои 53 се боeва муниција забранета за граѓаните, додека кај третиот бил откриен пиштол без шаржер.Четвртото лице било фатено со 3,15 грама кокаин, поради што се води истрага за – Неовластено производство и пуштање во промет на наркотични дроги, психотропни супстанции и прекурсори.По краткотрајниот 48-часовен притвор за обезбедување докази, јавниот обвинител достави предлог до судијата на претходна постапка за определување мерка притвор за тројцата осомничени, додека за четвртото лице се предложени мерки на претпазливост.

Македонија | пред 4 месеци

(Видео) МВР разби ланец за транспорт на дрога: марихуаната пренесувана со шлепувано возило

Одделот за сузбивање на организиран и сериозен криминал при Министерството за внатрешни работи поднесе кривична пријава до Основното јавно обвинителство за гонење организиран криминал и корупција против М.З. (37), И.Б. (61) и Г.Б. (59), сите од Скопје, поради основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“ по член 215 став 3 во врска со став 1 од Кривичниот законик.Според информациите од МВР, на 26 јануари 2026 година, првопријавениот М.З. од лице од Струга купил моторно возило „опел комбо“ со швајцарски регистарски ознаки. Во возилото, заедно со второпријавениот И.Б., сместиле наркотична дрога – марихуана, по што го контактирале третопријавениот Г.Б. за да го шлепува возилото од Струга до Скопје, за надомест од 200 евра, бидејќи не било во возна состојба.По пристигнувањето во Скопје, М.З. и И.Б. побарале од Г.Б. за дополнителни 40 евра да продолжи со транспортот до Свети Николе, при што возилото „опел комбо“ било шлепувано зад товарно возило „ивеко“, а тие се превезувале во патничко возило „мерцедес“.На регионалниот пат во близина на Свети Николе, полициски службеници, постапувајќи по претходно добиени оперативни информации за транспорт на поголема количина дрога, го запреле товарното возило. При извршениот преглед на задната клупа и во багажниот простор на возилото „опел комбо“, биле пронајдени осум торби со вкупно 50 пакувања марихуана.По извршеното вештачење во Одделот за форензички испитувања при МВР, утврдено е дека станува збор за вкупно 150 килограми марихуана.Осомничените се опфатени со кривичната пријава и против нив ќе продолжи понатамошна постапка пред надлежните институции.

Настани | пред 4 месеци