Повеќе лица приведени во Прилеп, Охрид, Свети Николе и Тетово

Во полициски акции во Прилеп, Охрид, Свети Николе и Тетово се приведени повеќе лица поради пронајдена марихуана, грутчеста и бела прашкаста материја.

— реклама —

На улицата „Дабничка“ во Прилеп полицијата ги привела С.У.(27) и Е.У.(42), откако при преглед кај С.У. била пронајдена марихуана. На истата улица бил приведен и В.Ј.(27), кај кого биле пронајдени и одземени грутчеста материја и марихуана.

Во Свети Николе бил лишен од слобода С.Г.(39), откако кај него била пронајдена и одземена марихуана.

— реклама —

Во угостителски објект на улицата „180“ во Тетово бил приведен Ф.М.(30), кај кого полицијата пронашла бела прашкаста материја. Тој бил задржан во полициска станица.

— реклама —

СВР Охрид, пак, поднесе кривична пријава против Т.Љ.(37) поради сомнение за неовластено производство и пуштање во промет наркотични дроги, психотропни супстанции и прекурзори. При преглед на улицата „Ѓорче Петров“, тој фрлил пакување со марихуана и се обидел да избега, но бил спречен и приведен.

По целосното документирање на одделните случаи ќе следуваат соодветни поднесоци.