Во Италија запленети 414 килограми хашиш вреден над 4 милиони евра, уапсен Албанец

Италијанската полиција запленила околу 414 килограми хашиш, чија вредност е проценета на повеќе од четири милиони евра, во градот Гвидонија, во близина на Рим.

— реклама —

Во акцијата е уапсен 29-годишен маж од албанско потекло, пренесува „Roma Today“.

Полицијата го запрела осомничениот додека, според наводите од истрагата, се обидувал да внесе неколку големи куфери во багажникот на автомобилот. Во нив биле пронајдени околу 98 килограми хашиш.

— реклама —

Истрагата продолжила откако кај осомничениот биле пронајдени клучеви. Врз основа на нив, полицијата дошла до повеќе простории во Гвидонија и Рим, за кои се сомнева дека биле користени за складирање и дистрибуција на дрога.

— реклама —

При претресот во една од просториите била откриена поголема количина хашиш скриена во фрижидери кои биле користени како складишен простор.

Полицијата пронашла и материјал за пакување на дрогата, како и рачно напишани белешки со евиденција за количини и пресметки.

На 29-годишниот осомничен му е одреден притвор за време на истрагата.