Серија приведувања поради дрога во Скопје, Прилеп, Велес, Берово и Струга

Пет лица се приведени во Скопје, Прилеп, Велес, Берово и Струга откако кај нив биле пронајдени марихуана, бела и кафеава прашкаста материја.

— реклама —

Во Скопје биле приведени С.Б.(32) и Д.П.(26), двајцата од Скопје, кај кои била пронајдена марихуана. Во казино во Прилеп бил приведен Р.Р.(55), исто така поради пронајдена марихуана.

— реклама —

Во Велес полицијата го привела Е.М.(30), кај кого била пронајдена кафеава прашкаста материја, додека кај Ѓ.Т.(22) во објект во Берово била пронајдена бела прашкаста материја.

— реклама —

Во Враништа бил приведен Е.Р.(34) од Лабуништа, кого полицијата го затекнала во паркиран автомобил со словенечки ознаки. Во возилото биле пронајдени предмети со остатоци од бела прашкаста материја.

По целосното документирање на одделните случаи ќе следуваат соодветни поднесоци.