Малолетничка нападната во училиште, уште два случаи на насилство во Тетово

Малолетничка пријави физички напад во тетовско средно училиште, а полицијата истовремено работи и на уште два случаи на насилство во градот, информираа од СВР Тетово.

— реклама —

Според пријавата, на 20 април во 17:55 часот, 16-годишна ученичка, во присуство на нејзината мајка Ф.Д. (47), пријавила дека за време на голем одмор, по кратка расправија, била физички нападната од друга ученичка од истото училиште. Се преземаат мерки за расчистување на случајот.

— реклама —

Претходно, истиот ден во 11:30 часот, 33-годишна жена од Тетово пријавила дека вечерта претходно, околу 21 часот, по вербална расправија, била физички нападната од нејзиниот сопруг Е.Ц..

— реклама —

Во трет случај, во 15:40 часот, И.М. (36) од Тетово пријавил дека околу 14:30 часот, во неговата работна просторија на улицата „29 Ноември“, бил физички нападнат од неговиот сосед А.У..

Од полицијата информираат дека се преземаат мерки за целосно документирање и расчистување на сите случаи.