Малолетник без возачка дозвола, пијан 19-годишник и возач со забрана меѓу приведените возачи за безобѕирно управување со возило

Четворица возачи биле лишени од слобода во изминатото деноноќие на различни локации низ Македонија поради сомнение за безобѕирно управување со моторно возило.

— реклама —

Како што информира МВР, двајца од нив управувале возила без положен возачки испит – малолетник од Скопје и П.К. (40) од селото Алгуња, општина Старо Нагоричане.

— реклама —

— реклама —

Н.Т. (19) од Кичево возел под дејство на алкохол, откако претходно учествувал во сообраќајна незгода, додека М.А. (34) од селото Злетово, пробиштипско, управувал возило и покрај тоа што имал активна забрана за возење.

Против четворицата се постапува поради сомнение за кривично дело „безобѕирно управување со моторно возило“ од член 297-а од Кривичниот законик. По целосното документирање на случаите, ќе бидат поднесени соодветни кривични пријави.