Малолетник со мопед удри 84-годишен пешак во Скопје, пешакот тешко повреден

Осумдесет и четиригодишен пешак се здобил со тешки телесни повреди откако во него удрил мопед на булеварот „Македонско-косовска бригада“ во Скопје, информира Министерството за внатрешни работи.

— реклама —

Според МВР, несреќата била пријавена на 1 август во 14:20 часот, а во неа учествувал мопед управуван од малолетник, кој удрил во пешакот А. Ч. (84), двајцата од Скопје.

— реклама —

— реклама —

Во несреќата со тешки телесни повреди се здобил пешакот, додека возачот на мопедот и неговата малолетна сопатничка се здобиле со телесни повреди. Повредите им биле констатирани во Ургентниот центар при Комплексот клиники „Мајка Тереза“ во Скопје.

— реклама —

Увид на местото на несреќата извршила увидна екипа од СВР Скопје.