Дете го загубило животот во пожар што избувнал во семејна куќа во Козарец, кај Приедор, Босна и Херцеговина. Информацијата ја потврди Полициската управа Приедор, пренесуваат тамошните медиуми.
Полицијата ја добила пријавата за пожарот во 11 часот утринава. Засега нема официјални информации за возраста на настраданото дете, ниту за околностите под кои избувнал пожарот.
На местото на несреќата се врши увид, со кој раководи обвинител од Окружното јавно обвинителство во Приедор.
Повеќе детали за причините за пожарот се очекуваат по завршувањето на увидот и спроведувањето на потребните вештачења.
