Масовна акција за чистење на Скопје, над 30.000 учесници се вклучија во активностите

Повеќе од 30.000 граѓани се вклучиле во масовна акција за чистење на Скопје, која се одвивала на над 50 локации низ градот, соопшти Орце Ѓорѓиевски.

Тој истакна дека акцијата уште еднаш покажала колку може да се постигне кога граѓаните заеднички се ангажираат за почиста животна средина.

— реклама —

Ѓорѓиевски денеска бил на Водно, каде што заедно со ученици учествувал во собирањето отпад. Тој ја пофали нивната посветеност, нагласувајќи дека најмладите испратиле важна порака за одговорноста и грижата кон градот.

— реклама —

„Со секое подигнато парче отпад, овие деца одржаа голема лекција за одговорност, за совест и за љубов кон својот град. Нивниот пример заслужува и почит и следбеници“, порача Ѓорѓиевски.

Тој упати порака и до несовесните граѓани кои создаваат диви депонии, повикувајќи ги да го следат примерот на учениците и да придонесат за зачувување на чистотата.

— реклама —

„Наша должност е да им оставиме почист град“, нагласи Ѓорѓиевски, заблагодарувајќи им се на сите учесници во акцијата.

— реклама —

Тој најави дека активностите за чистење на Скопје ќе продолжат и во наредниот период, со уште поголемо учество на граѓаните.

„Скопје се сака со дела. А денес, илјадници луѓе го покажаа тоа“, порача Ѓорѓиевски.