Четириесетгодишен жител на село Добрево, пробиштипско, е пренесен на лекување во Комплексот клиники „Мајка Тереза“ во Скопје, откако се здобил со прострелна рана, информира Министерството за внатрешни работи.
Настанот бил пријавен на 02.04.2026 година околу 16:00 часот во Полициската станица Пробиштип од страна на Итната медицинска помош при ЈЗУ „Нада Михајлова“, каде било наведено дека повредениот бил пронајден во семејниот дом од неговиот татко.
Според извршените службени разговори со таткото и братот, повредениот истиот ден, на место викано „Чукар“, во атарот на село Марчино, сам си нанел прострелна рана со ловечка пушка додека го чистел оружјето.
Од местото на настанот била подигната ловечката пушка и патрони, а за случајот е известен јавен обвинител од Основното јавно обвинителство Штип.
Се преземаат мерки за целосно расчистување на случајот.
