Маж се задуши од чад откако заедно со својата сопруга запалиле гранки во нивната бавча во ресенското село Претор.
Полицијата соопшти дека несреќата е пријавен вчера попладне дека настанал пожар во близина на шумска куќа на Јавно претпријатие „Национални шуми“, во атар на с.Претор. Горела сува трева и стрниште.
„Полициски службеници и Јавен обвинител излегле на местото и го пронашле починат М.Л.(62) од с.Претор, а смрт констатирала екипа на Итна медицинска помош. По преземени мерки било констатирано дека М.Л. и неговата сопруга Н.Л.(56) запалиле гранки во нивна бавча на место викано „Крива нива“ од што настанал пожар, а од густиот чад М.Л. паднал во безсознание, по што бил извлечен од огнот, но веќе бил починат“, стои во соопштението на полицијата.
Увид на местото извршиле Јавен обвинител и увидна екипа од Полициската станица Ресен, а по наредба на Јавен обвинител телото било предадено на обдукција.
