Маж во САД убил пет лица по расправија со девојката

Пет лица се убиени во крваво злосторство во Орегон, САД, а за убиствата е осомничен 36-годишен маж, соопшти полицијата.

Според истрагата, Бенџамин Чарлс Паркер прво ја убил својата 26-годишна девојка, Стела Џејд Кимси. Нејзината 60-годишна мајка, Рован Карла Кимси, пристигнала на имотот откако нејзината ќерка престанала да одговара на повици, а потоа била убиена и таа.

— реклама —

На имотот подоцна пристигнале и најдобрата пријателка на Стела, 26-годишната Линси Меј Харладсен, нејзиниот 27-годишен партнер, Алвин Рејмонд Чу, и 85-годишната баба на Стела, Мери Елизабет Кимси. И тие биле убиени.

— реклама —

Полицијата соопшти дека жртвите биле застрелани со пиштол калибар .22. На имотот биле пронајдени и четири убиени домашни миленици – две кучиња и две мачки, додека уште една мачка била повредена и подоцна морала да биде еутаназирана.

По убиствата, Паркер се обидел да запали дел од телата, возило и семејната куќа. Според истражителите, пожар бил подметнат и во автомобилот во кој било телото на Стела.

— реклама —

Осомничениот потоа избегал од имотот, но за време на бегството останал без гориво. Тој ја повикал својата мајка и, според полицијата, ѝ признал дека злосторството го планирал извесно време и дека првично планирал да убие три лица, но на крајот убил пет.

Истрагата засега укажува дека можен мотив била расправијата меѓу Паркер и неговата девојка. Според полицијата, непосредно пред убиствата, Стела му кажала дека мора да се исели од куќата.

Истрагата продолжува, а се очекува форензичките и лабораториските анализи да траат уште неколку месеци.