Работите на реконструкција и уредување на улиците во Општина Чаир продолжуваат, информира градоначалникот Изет Меџити.
Како што посочи Меџити, во тек се градежни активности на улицата „Емин Дураку“, додека на улиците „Дервиш Хима“ и „Парашкеви Ќириази“ се врши асфалтирање, уредување на тротоарите и на влезовите во станбените објекти.
Во овие населби, според градоначалникот, се уредени и поставени и нови детски игралишта, со што се создаваат подобри услови за најмладите жители.
Меџити побара разбирање од граѓаните додека трае реализацијата на градежните активности.
