Медведев: Европа ќе се соочи со „неприфатливи загуби“ ако дојде до конфликт

Во напис објавен во пресрет на 81-годишнината од победата над нацистичка Германија, заменик-претседателот на рускиот Совет за безбедност, Димитриј Медведев, упати остри пораки кон Германија и Европската Унија, предупредувајќи на, како што наведе, последици доколку дојде до нова воена конфронтација со Русија.

— реклама —

Медведев во текстот тврди дека само „животински страв“ од неприфатливи загуби може да ги спречи Германија и пошироката „обединета Европа“ од евентуална агресија кон Русија. Тој ја обвини Западна Европа за, како што рече, несериозна милитаризација и обид да се прикаже Русија како надворешен непријател заради внатрешни политички цели.

— реклама —

Во своите изјави, Медведев се осврнува и на плановите за зајакнување на германските вооружени сили, тврдејќи дека тие се насочени кон создавање на најсилна конвенционална армија во Европа. Тој предупредува дека таквиот развој може да доведе до нова ескалација на тензии на континентот.

— реклама —

Истовремено, германскиот канцелар, Фридрих Мерц, претходно изјави дека Германија има намера да ги зајакне своите одбранбени капацитети, што Москва го толкува како дел од поширока стратегија за воено позиционирање на Европа.

— реклама —

Написот завршува со тврдења дека Русија нема да се потпира на „добра волја“ или политички декларации, туку на, како што е наведено, одвраќање преку сила.