Медведев со убедлива победа се пласираше во четвртфиналето на турнирот во Алмати

Рускиот тенисер Данил Медведев се пласираше во четвртфиналето на АТП-турнирот во Алмати, откако во осминафиналето убедливо го совлада Јапонецот Шо Шимабукуро со 6:2, 6:1.

— реклама —

Мечот траеше само 52 минути. Медведев, петтиот тенисер на светската ранг-листа, во првиот сет направи два брејка, а во вториот уште три, наспроти Шимабукуро, кој е на 109. место на АТП-листата.

— реклама —

Во четвртфиналето Медведев ќе игра против Теренс Атман, кој го совлада Матија Белучи со 2:1 во сетови.

— реклама —

Останатите четвртфинални двојки се Александар Бублик – Карен Хачанов, Стефанос Циципас – Џејмс Дакворт и Николоз Басилашвили – Адријан Манарино.

Турнирот во Алмати се игра за награден фонд од 1.075.160 долари.