Мерц: Внимателно следете што прави Владата пред да одлучите кому ќе му дадете доверба

Германскиот канцелар Фридрих Мерц ги повика поддржувачите на крајнодесничарската Алтернатива за Германија (АфД) да ја оценат работата на неговата влада врз основа на резултатите, а не на содржините на социјалните мрежи, во пресрет на регионалните избори во септември.

— реклама —

На прес-конференција во Берлин, Мерц порача дека Владата работи на зачувување на слободата и мирот во земјата, како и на подобрување на економската состојба.

— реклама —

„Им се обраќам и на гласачите на АфД и им порачувам внимателно да следат што работиме. Трудиме да ја зачуваме слободата и мирот во оваа земја и да ја подобриме економската состојба“, изјави германскиот канцелар.

— реклама —

Според анкетите, АфД има силна поддршка и би можела за првпат да дојде на власт на регионално ниво доколку освои мнозинство на изборите во покраината Саксонија-Анхалт.

Мерц ги истакна досегашните економски реформи на неговата влада и повтори дека неговата партија нема да го наруши таканаречениот „заштитен ѕид“, односно нема да влезе во коалиција или каква било политичка соработка со АфД.