Меси пред финалето: Што и да се случи, оваа генерација веќе испиша историја

Капитенот на аргентинската репрезентација, Лионел Меси, испрати емотивна порака во пресрет на финалето на Светското првенство против Шпанија, истакнувајќи дека оваа генерација веќе обезбедила место во историјата, без оглед на исходот од натпреварот.

— реклама —

Аргентина и Шпанија вечерва од 23 часот во Њујорк ќе се борат за светската титула, а Меси преку социјалните мрежи им се заблагодари на соиграчите, стручниот штаб и сите кои се дел од репрезентацијата.

„Најубавиот дел од сите овие години никогаш не беа само трофеите, туку заедничкото патување – секојдневието со овој тим, натпреварувањето, меѓусебната поддршка во тешките моменти и радоста во секој чекор. Благодарам на секој соиграч, на стручниот штаб и на сите што секој ден работат за оваа репрезентација да биде семејство“, напиша Меси.

— реклама —

Тој порача дека оваа генерација веќе испишала страница во историјата на аргентинскиот фудбал.

— реклама —

„Што и да се случи во финалето, овој тим веќе создаде приказна што никогаш нема да ја заборавиме и никој нема да може да ја избрише. Напред, Аргентина“, порача капитенот.

Аргентина ќе има можност да ја одбрани титулата освоена пред четири години. Доколку ја совлада Шпанија, ќе стане само третата репрезентација во историјата што успеала да освои две последователни светски титули. Последен пат тоа му успеа на Бразил во 1962 година.

— реклама —

И покрај тоа што има 39 години, Меси и натаму е еден од клучните играчи на аргентинската селекција. На ова светско првенство постигна осум голови и забележа четири асистенции, а одигра и секоја минута од натпреварите во нокаут-фазата.