ШПАНИЈА

Шпанија го обвини Израел за кршење на примирјето и меѓународното право

Шпанскиот министер за надворешни работи Хозе Мануел Албарес денес го обвини Израел за кршење на меѓународното право и новопостигнатото двонеделно примирје на Блискиот Исток со извршувањето воздушни напади врз Либан во средата, пренесува Ројтерс.„Вчера видовме како Израел, кршејќи го примирјето и спротивно на меѓународното право, лансираше стотици бомби во Либан. Тој го направи ова во време кога имаше зрак надеж за целиот регион. Овој напад е вистински срам, треба да биде на совеста на секој што има каква било човечност“, изјави Албарес пред шпанскиот парламент во Мадрид.Шпанија е еден од најгласните критичари на нападите на САД и Израел во Иран и Либан меѓу западните земји. Го затвори својот воздушен простор за секој авион вклучен во војна што Мадрид ја нарекува неодговорна и нелегална. Таа беше исто така меѓу првите земји во Европа што ја признаа државноста на Палестина.Албарес соопшти дека Шпанија повторно ќе ја отвори својата амбасада во Техеран со надеж дека ќе постигне мир во регионот.„Му наложив на нашиот амбасадор во Техеран да се врати, да ги продолжи своите должности и повторно да ја отвори нашата амбасада, и да се придружи на овие напори за мир од сите можни страни, вклучително и од иранската престолнина“, изјави Албарес пред новинарите.Шпанската амбасада во Иран беше евакуирана на 7 март поради бомбардирањето.

Свет | пред 3 дена

Контролорите на летови во Шпанија стапуваат во штрајк од 17 април на неопределено време

Контролорите на летање на 14 аеродроми во Шпанија, кои се под управување на SAERCO, најавија дека на 17 април на полноќ ќе започнат штрајк на неопределено време.Со штрајкот ќе бидат опфатени аеродромите Ланзароте, Фуертевентура, Ла Палма, Ел Јеро и Ла Гомера на Канарските Острови, како и Севиља и Херез во Андалузија, Кватро Вјентос во Мадрид, Виго и Коруња во Галиција, Кастељон-Коста Асахар во Валенсија, како и аеродромите во Бургос, Уеска и Сиудад Реал.Се очекува штрајкот да предизвика доцнења и измени во распоредот на летовите, поради што на патниците им се препорачува навреме да го проверат статусот на своите летови.На штрајк повикаа Синдикатот на контролори на летање и Работничките комисии, наведувајќи управни проблеми како главна причина, меѓу кои недостиг на кадар, преоптовареност со работа и нередовни распореди. Според синдикатите, условите за работа довеле до натрупан замор и стрес, што негативно влијае врз ефикасноста и безбедноста.Тие посочуваат дека често биле принудени да импровизираат во организацијата на работата, што се одразило и врз приватниот живот на вработените. Дополнително, наведуваат дека одобрените одмори биле откажувани, дежурствата продолжувани, а распоредите менувани во последен момент.Синдикатите бараат зголемување на бројот на вработени, укинување на прекумерните дежурства и ненадејните измени во распоредот, гарантирање на годишните одмори и обезбедување услови за работа што ќе бидат усогласени со безбедносните стандарди и професионалното достоинство.

Свет | пред 3 дена

Санчез со остра порака: Нема да им аплаудираме на тие што го запалија светот

Шпанскиот премиер Педро Санчез упати остра реакција по најавата за примирје во конфликтот со Иран, порачувајќи дека тоа не е причина да се заборави одговорноста за војната.„Примирјата се секогаш добра вест, особено ако водат кон праведен и траен мир. Но ова моментално олеснување не смее да нè натера да го заборавиме хаосот, разурнувањето и изгубените животи. Владата на Шпанија нема да им аплаудира на оние што го запалија светот само затоа што се појавиле со кофа вода“, напиша Санчез.Тој нагласи дека во следниот период се неопходни дипломатија, почитување на меѓународното право и стабилен мир.Санчез, кој е меѓу најгласните критичари на воената акција против Иран, претходно ги оцени нападите како „неоправдани“ и „опасни“, повторувајќи дека позицијата на Шпанија е јасна – „не на војната“.Неговата влада презеде и конкретни чекори, откако не им дозволи на американските сили да ги користат базите во Рота и Морон за операции поврзани со Иран.Дополнително, Мадрид го затвори и воздушниот простор за американски авиони вклучени во нападите, потег што предизвика остри реакции од американскиот претседател Доналд Трамп, кој се закани со прекин на трговските односи со Шпанија.

Свет | пред 4 дена

Анкета во Шпанија: Трамп е поголема закана за мирот од Путин

Шпанците веруваат дека американскиот претседател Доналд Трамп во моментов е поголема закана за светскиот мир од рускиот претседател Владимир Путин. Дополнително, мнозинството од граѓаните во таа земја смета дека Мадрид не треба воено да го поддржува Вашингтон во војна против Иран, според анкета објавена денес од шпанскиот весник „Паис“.На прашањето кои лидери претставуваат најголема закана за глобалниот мир, 81 процент од испитаниците го именувале  Трамп. Високи 79,3 проценти од анкетираните пак сметаат дека тоа е рускиот претседател Владимир Путин, а 71,2 проценти го посочиле израелскиот премиер Бенјамин Нетанјаху дека придонесува за загрозување на светскиот мир.Далеку зад нив се другите светски лидери во анкетата, како што се новиот врховен лидер на Иран, Моџтаба Хамнеи со  62,9 проценти, понатаму севернокорејскиот претседател Ким Џонг Ун со 62,2 проценти и кинескиот претседател Си Џинпинг со 49,3 проценти.Ставовите на Шпанците за меѓународните лидери, како и за други прашања, во голема мера се под влијание на идеолошките разлики, наведува весникот.Па така Трамп е најголемата закана за огромното мнозинство левоориентирани гласачи, додека Путин е најголемата загриженост кај десничарските гласачи.Според анкетата, во Шпанија сè уште постои силно противење на војната на Блискиот Исток, при што 56 проценти од испитаниците се против продолжување на воените офанзиви сè додека не се собори иранскиот режим.Исто така повеќе од половина од испитаниците се против тоа Шпанија да им обезбеди воена поддршка на САД и Израел во војната против Иран и да им даде приоритет на односите со Вашингтон.Исто така, огромното мнозинство, повеќе од 70 проценти од Шпанците поддржуваат крај на израелско-палестинскиот конфликт и се залагаат за договорно решение за политичката криза во Венецуела, а 66 проценти поддржуваат продолжување на меѓународната воена помош за Украина сè додека руската инвазија продолжува.Иако речиси две третини го поддржуваат останувањето на земјата во НАТО, а повеќе од половина се за формирање европска армија, сепак мнозинството го отфрла испраќањето шпански војници во конфликти наведува шпанскиот весник.Половина од анкетираните се убедени дека е можна нова светска војна. Исто така околу 39 проценти од испитаниците веруваат во можноста Путин да нападне земја од ЕУ.Анкетата објавена во „Паис“ исто така, покажа голем песимизам кај Шпанците и поделба во општеството во врска со клучните прашања како што се трошоците за одбрана.Зголемувањето на воените трошоци го поддржуваат 46,3 проценти од испитаниците, додека 45,3 се против тоа, при што десницата е за поголемо трошење, а левицата против тоа.Во однос на иднината, речиси 70 проценти од Шпанците се песимистични, при што половина сметаат дека ќе биде насилна, авторитарна и нееднаква, додека помалку од 10 проценти веруваат дека ќе биде попросперитетна и постабилна, наведува во својот натпиш медиумот.

Свет | пред 6 дена

Овој европски град е прогласен за најдобра дестинација за соло патници

Доколку планирате соло патување и се прашувате која дестинација да ја посетите, британската веб-страница Quotezone направи листа на најдобрите европски градови за оние кои патуваат сами. На првото место се најде Мадрид.За многумина, самостојните патувања претставуваат ослободувачко искуство, но за оние кои патуваат сами за првпат, тоа може да биде и застрашувачко.За да го олесни изборот, Quotezone спроведе анализа во која беа земени предвид повеќе фактори: јавниот превоз, бројот на хотели и туристички тури, брзината на интернетот и нивото на безбедност. Врз основа на овие критериуми, европските градови беа рангирани според индекс погоден за соло патувања.На врвот на листата се најде Мадрид, кој се издвојува со одлична гастрономија, богата музејска понуда, пристапен јавен превоз, солидна интернет конекција и добро ниво на безбедност.Топ 10 европски градови за соло патувања:Мадрид, ШпанијаПрага, ЧешкаЛисабон, ПортугалијаПариз, ФранцијаРејкјавик, ИсландБудимпешта, УнгаријаАтина, ГрцијаВиена, АвстријаФиренца, ИталијаОсло, НорвешкаПретходно, списанието Time Out објави слична листа базирана на мислења на жени кои патуваат сами, каде што Рејкјавик беше на првото место.

Магазин | пред 1 седмица

Силни ветрови и опасни бранови ја зафаќаат Шпанија

Туристите кои во овие денови патуваат во Шпанија можат да се соочат со многу нестабилно време, предупреди државната метеоролошка служба на земјата.Силни удари на ветер ќе ја зафатат Шпанија, при што крајбрежните подрачја и најпосетуваните туристички острови ќе бидат најпогодени оваа недела, јавува британскиот „Експрес“.Државната метеоролошка агенција Aemet издаде низа предупредувања за силен ветер ширум земјата, со очекувано вознемирено море. Подрачјата каде се очекуваат најсилни ветрови ги вклучуваат Арaгон, Каталонија, Балеарските острови и регионот на Валенсија. За вторник и среда на сила се портокалови предупредувања, а ударите на ветер веќе достигнуваа брзина до 100 км/ч во изложените области, вклучувајќи ја Емпорда кај Жирона и делови од Сарагоса.Балеарските острови се исто така погодени, па на Менорка и на северот на Мајорка се очекуваат удари на ветер до 90 км/ч. Тешките услови на море би можеле да предизвикаат бранови високи и до 10 метри.Се очекува временските услови делумно да се смират во четврток, кога предупредувањата ќе бидат намалени на жолто ниво, но метеоролозите сепак предупредуваат на силни ветрови до 80 км/ч во области како Тарагона, Сарагоса и Кастељон.Меѓутоа, на Канарските острови, локалното население и туристите кои таму престојуваат за време на празниците се повикуваат на внимание поради пристигнувањето на познатиот временски феномен „калима“ од Сахара. Огромен облак песок, долг повеќе од Велика Британија, го придвижува системот на низок притисок кон шпанскиот архипелаг.

Свет | пред 1 седмица

Шпанија повеќе не дозволува прелети преку нивна територија на авиони кои го напаѓаат Иран

Шпанија го затвори својот воздушен простор за летови поврзани со операцијата „Епски бес“, воена акција на САД и Израел против Иран, објави весникот El País, повикувајќи се на воени извори.Одлуката значи дека Мадрид не само што забранува користење на базите Рота и Морон за борбени и танкер-авиони, туку и не дозволува прелет на американски воени летала кои учествуваат во операцијата, дури и ако полетуваат од други европски земји.Премиерот Педро Санчез најави ваков чекор уште минатата недела, оценувајќи ја војната како „нелегална“ и нагласувајќи дека Шпанија нема да учествува ниту индиректно во неа.„Сите планови за летови поврзани со операцијата во Иран се одбиени, вклучително и оние за дополнување гориво“, изјави Санчез.Исклучок ќе има само за итни случаи, кога ќе се дозволи транзит или слетување.И покрај забраната, одредени активности во рамки на билатералните договори со Вашингтон остануваат, особено логистичката поддршка за американските сили во Европа. Сепак, клучните офанзивни операции се директно погодени.Од воен аспект, ваквиот потег ја комплицира операцијата, бидејќи базите во Шпанија се важни за брз пристап и дополнување гориво над Атлантикот. Без нив, американските авиони мора да користат подолги и покомплицирани рути, што го зголемува ризикот и времетраењето на мисиите.Одлуката на Мадрид претставува сериозен сигнал за поделбите меѓу западните сојузници околу конфликтот и дополнително ја усложнува динамиката на воените операции на Блискиот Исток.

Свет | пред 1 седмица

Шпанија воведува 35-часовна работна недела за државната администрација

Шпанија од април ќе воведе пократка работна недела во централната државна администрација, со што работното време се намалува од 37,5 на 35 часа неделно, мерка која ќе опфати околу 246.000 вработени.Одлуката е поддржана од трите главни синдикати на државните службеници – УГТ, ЦЦ ОО и ЦСИФ, кои оценуваат дека ова ќе придонесе за подобрување на условите за работа и намалување на разликите во јавниот сектор.Министерот за јавна администрација, Оскар Лопез, најави дека примената на новата работна недела ќе биде дефинирана во рок од најмногу 15 дена.Промената доаѓа во услови кога мнозинството вработени во автономните заедници и локалната власт веќе работат по режим од 35 часа неделно, што создаваше чувство на нерамноправност во однос на службениците во централната администрација.Според синдикатите, новиот модел ќе помогне да се намали овој јаз и ќе придонесе за подобра работна хармонија, но и за подобар баланс меѓу приватниот и професионалниот живот, со повеќе слободно време за вработените.Покрај тоа, со регулативата се воведува и функцијата „негувател“, која предвидува институционализирана поддршка за вработените што се грижат за член на семејството или лице кое живее во исто домаќинство и има сериозен здравствен проблем.Новите правила овозможуваат работниот распоред да го земе предвид времето и енергијата што вработените ја вложуваат во грижата за блиските.

Свет | пред 2 седмици

Девојка од Шпанија, жртва на групно силување во детството, ќе биде доброволно евтаназирана

Страдањето што ја следело низ животот, како и двегодишната правна битка со која се соочуваше 25-годишната Ноелија Кастиљо Рамос од Шпанија, завршуваат овој четврток, денот што е судски предвиден за да ѝ биде извршена евтаназија, пишува „Би-би-си“.За тоа, таа мораше да чека дури пет судски инстанци, од кои последната беше Европскиот суд за човекови права, да се изјаснат за нејзиниот случај. Сите пресуди беа во нејзина корист.Иако надлежните органи беа доследни во секоја постапка, противењето на нејзиниот татко, советуван од ултракатоличка група, доведе до постојано одложување на ситуацијата.Конечно, во вторникот европскиот суд стави крај на правната битка: евтаназијата може да биде спроведена.Зад неа останува тешко детство во нефункционално семејство, поради што извесно време била под старателство на државата, повеќе напади и злоупотреби, групно силување и неколку обиди за самоубиство. Еден од тие обиди ја оставил параплегична и со страшни болки, откако се фрлила од петти кат.Овој долг спор, кој го продолжи физичкото и психолошкото страдање што Ноелија го трпела, го направи нејзиниот случај преседан во Шпанија и прв што стигнал до судовите откако во 2021 година стапи во сила законот за евтаназија.Тој, исто така, ги стави на тест слабостите на законот и едно можеби уште подлабоко прашање: кој е легитимен да спречи возрасен човек да стави крај на сопствениот живот.„Да видиме дали конечно ќе се одморам“„Успеав и ајде да видиме дали конечно ќе можам да се одморам, затоа што веќе не можам. Не можам повеќе со ова семејство, не можам повеќе со болките, не можам повеќе со сè што ме измачува во главата“, признала младата жена од Барселона во емисија оваа недела.Приказната на Ноелија предизвика контроверзии во Шпанија поради нејзината младост и бидејќи не се наоѓа во состојба што општеството вообичаено ја доживува како терминална.Сепак, нејзиното барање за евтаназија доби едногласна научна поддршка од Комисијата за гаранции и евалуација на Каталонија, независно тело составено од професионалци задолжени да ги оценуваат овие случаи во регионот.Законот бара барателот да страда од тешка и неизлечива болест или од хронично, неподносливо страдање, а според комисијата на експерти, младата жена ги исполнувала условите, бидејќи имала „клиничка состојба од која нема закрепнување“.Тоа, според комисијата составена од лекари и правници, ѝ предизвикувало „тешка зависност, болка и хронично, онеспособувачко страдање“, што влијаело врз нејзината автономија и секојдневните активности.Покрај тоа, сите судски одлуки низ кои поминал нејзиниот случај утврдиле дека Ноелија ги задржала своите ментални способности, што е неопходно за одлуката да се побара евтаназија да биде „слободна, свесна и информирана“, како што бара законот.И самата јасно ја искажа својата волја во телевизиската емисија, нејзиното прво и последно појавување во медиумите откако случајот стигна до суд, каде што објасни дека трпи длабоко психичко страдање.„Живеев во состојба на психичка темнина“Ноелија во своето телевизиско обраќање раскажала дека уште пред да побара евтаназија живеела во состојба на длабока психичка темнина, без надеж, цели и волја за нормален живот. Таа сведочела дека со години се соочувала со тешки трауми, злоупотреби и сериозни психофизички последици, а по еден тежок настан во 2022 година останала параплегична и со постојани болки.Поради состојбата во која живеела, во април 2024 година поднела барање за евтаназија до Комисијата за гаранции и евалуација на Каталонија, која неколку месеци подоцна едногласно го одобрила.Сепак, спроведувањето на постапката било запрено по жалба од нејзиниот татко, кој тврдеше дека таа не е во состојба слободно да одлучува. Следувала долга правна битка, во која Ноелија и пред суд повторила дека сака достоинствено да стави крај на своето страдање.На крајот, каталонските судови, како и Врховниот, Уставниот и Европскиот суд за човекови права, не ја прифатиле иницијативата за запирање на евтаназијата. Иако нејзиниот случај во Шпанија се претворил во симбол на дебатата за достоинствената смрт, самата Ноелија порачала дека не сака да биде ничиј пример, туку само да најде мир и да престане да страда.

Свет | пред 2 седмици

Ова место е прогласено за најубаво во светот – се наоѓа во Европа

Еден помалку познат планински масив на северот на Шпанија е прогласен за најубаво место на планетата од страна на магазинот Time Out, со што ги надмина светски познатите Алпи, Анди и Хималаи.Станува збор за Picos de Europa, односно Врвовите на Европа – планински масив кој е дел од Кантабриското Горје и се протега низ Астурија, Кантабрија, Кастиља и Леон, на само дваесетина километри од морскиот брег на Шпанија.Неговиот највисок врв, Torre de Cerredo, достигнува 2.650 метри надморска височина и сега се најде на врвот на листата на најубави светски локации.„Picos de Europa е вистинско чудо на природата, со пејзаж со исклучителна убавина. Планините стрмно се издигнуваат над морето, па од видиковците не се отвораат само погледи кон длабоки клисури и остри врвови, туку и кон блескави појаси на плажи и разбрануваното Кантабриско Море“, напиша уредникот на Time Out, Ед Канингам.„Во рамките на националниот парк се наоѓаат и бројни други природни и културни знаменитости: впечатливиот врв Naranjo de Bulnes, старите планински села Сотрес и Каин, блескавите леднички езера Ковадонга, како и истоимено светилиште и место за поклонување сместено во карпа над водопадот“, додаде тој.За посетителите, Канингам ја препорачува познатата пешачка патека Ruta del Cares. Оваа патека долга 23 километри минува низ кањон со стрмни карпи и водопади и важи за една од најпознатите планинарски рути во регионот.На листата на десет најубави места според Time Out, по Picos de Europa, следуваат Националниот парк Комодо во Индонезија, библиотеката во Morgan Library and Museum во Њујорк и долината Доуро во Португалија.Листата ја заокружуваат крајбрежјето Биг Сур во САД, езерото Алсвотер во Англија, стариот град на Болоња во Италија, ртот Капо Теста, Викторините водопади и долината Пунакха во Бутан.

Магазин | пред 2 седмици

Шпанија ги зголемува туристичките такси во Каталонија: ноќевањето во Барселона ќе чини до 7 евра

Од 1 април 2026 година, Шпанија ќе ги зголеми туристичките такси во Каталонија, што ќе ја зголеми цената на ноќевањето во градови како Барселона, каде основната такса за луксузни хотели ќе изнесува најмногу 7 евра по ноќевање.Според новиот закон објавен во шпанскиот Службен весник, дополнителни локални надоместоци исто така се можни, што значи дека вкупните трошоци за туристите ќе зависат од конкретната дестинација. За хотелите со четири ѕвезди основната такса ќе изнесува 3,40 евра, а за туристички апартмани 4,50 евра по ноќевање. Локалните власти, на пример во Барселона, можат да наплатат и до дополнителни 8 евра по ноќевање.Целта на мерките е намалување на притисокот врз пазарот на домување и промовирање на поодржлив модел на туризам. Дел од собраните средства ќе биде насочен кон станбени политики, додека остатокот ќе се инвестира во развој на туризмот. Патниците кои планираат посета на Барселона и другите делови од Каталонија треба да сметаат на зголемени трошоци за сместување.

Свет | пред 2 седмици

Војната ги менува туристичките текови: Се откажуваат аранжмани

Војната на Блискиот Исток веќе почнува да влијае на меѓународните патувања, а падот на перцепцијата за безбедноста во неколку земји од Заливот, заедно со првите откажувања на аранжмани, би можел да пренасочи дел од туристичката побарувачка кон европски дестинации како што е Шпанија. Поради ескалацијата на тензиите, два клучни воздушни центри во регионот се привремено затворени, што доведе до откажувања на летови, промени на рутите и зголемена неизвесност кај авиокомпаниите и патниците, пишува Euronews.Како што растат тензиите во регионот, некои туристи почнуваат да ги преиспитуваат своите планови, што би можело да доведе до промени во меѓународните туристички текови. Извештајот на туристичката консултантска куќа Mabrian веќе бележи значително влошување на перцепцијата за безбедноста во неколку дестинации на Блискиот Исток, со првите знаци на промени во побарувачката.Анализата, заснована на податоци за ставовите на патниците и побарувачката на клучните пазари како што се САД, Велика Британија, Германија, Франција и Италија, укажува на пад на довербата во неколку дестинации во Заливот. Овој тренд, според студијата, се интензивирал по зголемувањето на тензиите меѓу САД и Иран.Дестинации како Бахреин, Оман и Катар забележале едни од најострите падови во Индексот за перцепција на безбедноста (SPI), кој мери како патниците ја оценуваат стабилноста на дестинацијата. Во Бахреин, индексот паднал за 81 поен и сега е само 9,6 од 100, додека во Оман паднал за 56,7 поени (на 24,8), а во Катар за 54,9 поени (на 18,4).Другите дестинации во Заливот се покажале како поотпорни: Обединетите Арапски Емирати паднале за 48,3 поени (на 51,9) и Саудиска Арабија за 13,6 поени (на 85,3). Извештајот предупредува дека дури и умерените падови би можеле да влијаат на меѓународната побарувачка, бидејќи безбедноста останува еден од најважните фактори при избор на дестинација.Во такви околности, Шпанија би можела да стане една од дестинациите што ќе имаат корист од можните промени во туристичките текови. Според Мабриано, веќе постојат индикации дека дел од побарувачката, која нормално е насочена кон Блискиот Исток, би можела да се пренасочи кон европски дестинации кои се сметаат за побезбедни, како што се Шпанија, Италија или Грција.Некои туроператори веќе предвидуваат такво сценарио. Според шпанскиот весник „Ел Паис“, агенциите и компаниите во секторот веќе забележуваат зголемување на барањата за откажување патувања до дестинации блиски до конфликтот, како што се Египет, Јордан и Дубаи, и очекуваат дека дел од оваа побарувачка би можела да се прелее во Европа.Ова не би бил прв пат геополитичката криза да ги промени туристичките текови во Медитеранот. По Арапската пролет во 2011 година, нестабилноста во северноафриканските дестинации како што се Египет и Тунис предизвика пад на бројот на посетители и пренасочи дел од побарувачката кон северните медитерански земји. Шпанија беше еден од главните победници во тоа време, со милиони патници кои ги поминуваа своите одмори во земјата.Сепак, Мабриана предупредува дека сè уште е прерано да се потврди структурна промена во глобалната побарувачка. Засега, податоците во голема мера ги одразуваат промените во перцепциите и намерите за патување, што би можело да се претвори во појасни промени во резервациите ако конфликтот продолжи.

Свет | пред 1 месец

Европските земји испраќаат воени бродови на Кипар

Италија, Шпанија, Франција и Холандија испраќаат поморски сили на Кипар за да го заштитат островот во наредните денови, изјави италијанскиот министер за одбрана Гвидо Крозето во парламентот.Шпанското Министерство за одбрана соопшти дека Мадрид ќе испрати фрегата.Грција и Франција исто така најавија испраќање воени средства на островот, откако во понеделникот британската воздушна база на Кипар беше нападната од дрон од иранско производство.

Свет | пред 1 месец

Шпанија остро ги отфрли наводите на Белата куќа за соработка со американската војска

Белата куќа денеска соопшти дека Шпанија наводно прифатила воена соработка со Соединетите Американски Држави во услови на ескалација на конфликтот со Иран, но шпанската влада веднаш ги отфрли овие тврдења.Соопштението од Вашингтон следуваше еден ден откако американскиот претседател Доналд Трамп му се закани на Мадрид со целосен прекин на трговските односи, објави шпанската јавна телевизија РТВЕ.Портпаролката на Белата куќа, Каролин Ливит, изјави пред новинарите дека „Шпанија во изминатите неколку часа се согласила на соработка со американската војска“, додавајќи дека, според неа, шпанските власти „многу јасно ја слушнале пораката на претседателот“. Таа истакна и дека американската армија се координира со своите колеги во Шпанија.До најновите тензии дојде откако Шпанија претходно одби да им дозволи на Соединетите Американски Држави користење на своите воени бази за операции насочени против Иран. Како реакција на таа одлука, Трамп вчера најави дека ќе ја прекине „сета трговија со Шпанија“.Сепак, шпанската влада категорично ги негираше наводите на Белата куќа дека е постигнат каков било договор за воена соработка со американската армија.

Свет | пред 1 месец

Шпанија се предомисли, ќе соработува со американската војска по критиките од Трамп

Шпанија се согласила да соработува со американската војска по критиките од американскиот претседател Доналд Трамп, соопшти портпаролката на Белата куќа, Каролин Левит.Трамп претходно се закани дека ќе ја прекине трговијата со Шпанија откако Мадрид забрани користење на своите воени бази во операцијата против Иран.Левит изјави дека шпанските власти ја разбрале пораката на Трамп „гласно и јасно“.Таа додаде дека американскиот претседател очекува сите европски сојузници да соработуваат во воената операција.

Свет | пред 1 месец

ЕУ застана зад Шпанија по заканите на Трамп за трговски војна

Европската комисија соопшти во средата дека ќе ги заштити интересите на Европската унија по заканите на Белата куќа за прекин на трговските односи со Шпанија. Комисијата ја изрази својата поддршка за Мадрид откако американскиот претседател Доналд Трамп остро ја критикуваше Шпанија поради одбивањето да ѝ овозможи на американската армија користење на базите за операции во Иран и околината.Во говор во Белата куќа, Трамп ја нарече шпанската влада „страшна“.Ќе ја прекинеме целата трговија. Не сакаме да имаме ништо со Шпанија“, изјави тој, додека беше присутен германскиот канцелар Фридрих Мерц, кој тогаш молчеше, но подоцна изјави дека сака да се избегне ескалација на тензиите.Заменик-портпаролот на Европската комисија, Олоф Гил, одговори дека „целосно сме солидарни со сите земји членки и нивните граѓани и преку нашата заедничка трговска политика сме подготвени да дејствуваме за заштита на интересите на ЕУ“.Потпретседателот на Комисијата, Стефан Сежурне, додаде дека „секоја закана кон држава членка, во однос на трговската политика, е закана за целата Европска унија“.И Франција се приклучи кон ставот на Брисел, при што претседателот Емануел Макрон разговараше со шпанскиот премиер Педро Санчез за да ја изрази „европската солидарност на Франција во однос на последните закани за економски притисок“.Односите меѓу Трамп и Мадрид веќе беа затегнати поради отпорот на Шпанија кон барањата на американскиот претседател за зголемување на трошоците за одбрана во НАТО. Одговорот на Комисијата ја нагласува исклучивата надлежност на ЕУ во трговијата, област каде тензиите со Вашингтон се зголемија по враќањето на Трамп на власт во 2025 година.

Свет | пред 1 месец

Шпанскиот премиер: Трамп игра руски рулет

Шпанскиот премиер Педро Санчез повторно се спротивстави на нападот врз Иран кој го изведуваат САД и Израел, предупредувајќи дека двете држави „играат руски рулет“ со животите на милиони луѓе.Санчез се обрати откако американскиот претседател Доналд Трамп закани со прекин на трговијата со Мадрид поради неговиот став за конфликтот.Така започнуваат големи катастрофи за човештвото… Не можете да играте руски рулет со судбината на милиони луѓе“, рече Санчез во телевизиско обраќање до нацијата.Напнатоста меѓу двете сојузнички земји во НАТО се зголеми откако Санчез го осуди американското и израелското бомбардирање на Иран, нарекувајќи го непромислено и незаконско, а потоа забрани користење на американски авиони од морските и воздушните бази во јужна Шпанија за напад врз Техеран.Санчез рече дека светот не може да ги решава проблемите со конфликти и бомби, а Мадрид е една од ретките земји во ЕУ кои го осудија американско-израелскиот напад.Ставот на шпанската влада може да се сумира во двa зборa: ‘Не војна’“, рече тој, додавајќи дека овој став не е лицемерен, туку доследен.Нема да бидеме соучесници во нешто што е штетно за светот или спротивно на нашите вредности и интереси само за да избегнеме одмазда“, рече Санчез, мислејќи на заканите на Трамп поврзани со трговијата.Санчез потсети на негативните последици од американската инвазија на Ирак во 2003 година, која доведе до џихадистички тероризам и зголемување на цените на енергијата. Тогаш САД и Велика Британија го нападнаа Ирак тврдејќи дека поседува оружје за масовно уништување, а по убиството на претседателот Садам Хусеин и окупацијата на земјата, такво оружје никогаш не беше пронајдено.Санчез предупреди дека причините и последиците од нападот врз Иран се исто така нејасни и нема да доведат до праведен меѓународен поредок.Шпанија е против катастрофата што ја носи тековниот воен конфликт на Блискиот исток“, рече премиерот.Шпанскиот министер за надворешни работи, Хозе Мануел Албарес, изјави на шпанската јавна телевизија TVE дека причината за нападот врз Иран „не е воспоставување демократија“.Јасно е дека целта не е воспоставување демократија, бидејќи со нападите се кршат човековите права. Се прашуваме, што всушност стои зад овој напад?“, изјави тој.Тој нагласи дека Шпанија е „суверена земја“ која донесува одлуки во „склад со меѓународното право“.

Свет | пред 1 месец

Шпанија по заканите од Трамп: Ние сме клучна членка на НАТО

Шпанската влада одговори на заканата на американскиот претседател Доналд Трамп дека ќе ја „прекине целата трговија“ со Шпанија, која ја нарече „ужасен“ сојузник поради наводнота несоработка околу воените бази.Во соопштението, извршната власт изјави дека ако Вашингтон сака да ги преиспита трговските односи, „ќе мора да го стори тоа почитувајќи ја автономијата на приватните компании, меѓународното право и билатералните договори меѓу Европската Унија и САД“, објави RTVE.es.Владата, исто така, ја бранеше позицијата дека Шпанија е „клучна членка на НАТО“ која ги исполнува своите обврски и „значително придонесува“ за одбраната на европската територија.Ние сме исто така извозна сила на ЕУ и сигурен трговски партнер за 195 земји во светот, вклучувајќи ги и САД, со кои одржуваме историски и меѓусебно корисни трговски односи“, рекоа оттаму.И покрај сè, Мадрид посочи дека Шпанија ги има потребните ресурси за ублажување на можните шокови, помагање на секторите што би можеле да бидат погодени и диверзификација на синџирите на снабдување.Во секој случај, волјата на владата „е и секогаш ќе биде да се залага за слободна трговија и економска соработка меѓу земјите“, сè со „меѓусебно почитување“ и „почитување на меѓународното право“.

Свет | пред 1 месец

Шпанија му одговори на Трамп

Владата на Шпанија одговори на заканата на американскиот претседател Доналд Трамп дека ќе ја „прекине целата трговија“ со земјата, оценувајќи дека секоја евентуална ревизија на трговските односи мора да се спроведува во рамки на меѓународното право и постојните договори меѓу Европската унија и САД.Во соопштението на извршната власт се наведува дека, доколку Вашингтон сака да ги преиспита трговските односи, тоа ќе мора да го направи со почитување на автономијата на приватните компании, меѓународното право и билатералните договори меѓу ЕУ и САД.Од Мадрид нагласуваат дека Шпанија е „клучна членка на НАТО“ која ги исполнува своите обврски и значително придонесува за одбраната на европската територија. Дополнително, владата потсетува дека земјата е извозна сила во рамки на Европската унија и сигурен трговски партнер на 195 држави во светот, вклучително и САД, со кои има историски и взаемно корисни економски односи.И покрај заканите, шпанските власти посочуваат дека располагаат со ресурси за ублажување на евентуални економски последици, за поддршка на погодените сектори и за диверзификација на снабдувачките синџири. Владата повтори дека нејзината позиција останува јасна – залагање за слободна трговија и економска соработка меѓу државите, заснована на заемна почит и почитување на меѓународното право.

Свет | пред 1 месец

Тензија меѓу САД и Шпанија, Трамп: Ќе ги прекинеме сите трговски односи

Претседателот на САД, Доналд Трамп, најави дека Соединетите Американски Држави ќе ги прекинат сите трговски односи со Шпанија.„Ќе ја прекинеме целата трговија со Шпанија. Не сакаме да имаме ништо со Шпанија“, изјави Трамп пред новинарите во Овалната соба, за време на средба со германскиот канцелар Фридрих Мерц.Тој додаде дека на министерот за финансии Скот Бесент му наредил да ги прекине „сите бизниси“ со оваа европска држава и членка на НАТО. Трамп ја критикуваше Шпанија во контекст на реакциите на сојузниците по американскиот ракетен напад врз Иран.Во меѓувреме, шпанската државна телевизија РТВЕ објави дека Мадрид им ускратил пристап на САД до своите воздушни бази за активности што не се во согласност со постојните договори и Повелбата на Обединетите нации.Според податоците на платформата FlightRadar24, најмалку 15 американски авиони ги напуштиле базите Рота и Морон на југот на Шпанија откако САД и Израел започнаа напади врз Иран.Шпанскиот министер за надворешни работи Хосе Мануел Албарес изјави дека Шпанија нема да дозволи користење на своите воени бази за напади врз Иран. Иако базите се заеднички управувани од САД и Шпанија, тие се наоѓаат под шпански суверенитет.

Свет | пред 1 месец

Шпанија и го сврте грбот на Америка

Шпанскиот премиер Педро Санчез одлучи да не им дозволи на Соединетите Американски Држави да ги користат американските воени бази во Шпанија за операции против Иран, без оглед на можните политички последици од таквата одлука.Шпанската влада соопшти дека нема на кој било начин да придонесе за војната предводена од американскиот претседател Доналд Трамп и израелскиот премиер Бенјамин Нетанјаху, оценувајќи дека станува збор за конфликт без меѓународна правна основа и без мандат на Обединетите нации, пренесува „Pais“.Санчез, со поддршка на шпанскиот министер за надворешни работи Хозе Мануел Алварез и министерката за одбрана Маргарита Роблес, наложи да не се одобри користење на базите Rota и Moron за операции поврзани со Иран.Владата во Мадрид смета дека интервенцијата е во спротивност со меѓународното право и верува дека поради таквиот став нема да следат американски одмазди. Засега, како што наведуваат шпанските официјални лица, нема официјални поплаки од Вашингтон.Шпанската влада порано истакна дека се противи на иранскиот режим, но ги отфрла воените акции без јасна цел и меѓународен мандат.Шпанскиот министер за надворешни работи Хозе Мануел Алварез порача дека Европа мора да дејствува како глас на рамнотежа и деескалација, а не да поддржува еднострани воени акции надвор од Повелбата на ОН. Министерката за одбрана Маргарита Роблес потврди дека Пентагон, по шпанската одлука, повлекол околу 10 авиони-цистерни KC-135 од базите Moron и Rota, каде биле распоредени за поддршка на американските операции.Шпанија е една од ретките европски земји кои јавно го осудија американско-израелскиот напад, додека некои членки на ЕУ изразија резерва, но истакнаа дека ги разбираат целите на нападот.

Свет | пред 1 месец

Американски авиони масовно го напуштаат југот на Шпанија

Петнаесет американски авиони ги напуштиле базите Рота и Морон на југот на Шпанија откако САД и Израел преку викендот започнаа напади врз Иран, покажуваат податоците и картите на страницата за следење летови FlightRadar24.Шпанскиот министер за надворешни работи, Хозе Мануел Албарес, изјави дека Шпанија нема да дозволи користење на своите воени бази за напади врз Иран. Базите се под заедничка управа на САД и Шпанија, но се наоѓаат под шпански суверенитет.Велика Британија исто така првично одбила дозвола за користење на своите бази за напад врз Иран, но вчера премиерот Кир Стармер ги одобрил за операции во рамки на „колективна самоодбрана“.Ова може дополнително да ги оптерети односите меѓу Мадрид и Вашингтон. Ставот на Шпанија, како и силната осуда на американско-израелските акции во Иран од страна на социјалистичкиот премиер Педро Санчез, ја издвојува земјата од другите во регионот.Шпанските бази не се користат за оваа операција и нема да се користат за ништо што не е опфатено со договорот со Соединетите Држави или што не е во согласност со Повелбата на Обединетите нации“, изјави Албарес за шпанската телевизија Telecinco.Министерката за одбрана, Маргарита Роблес, додаде дека авиони, главно резервоари за гориво во воздух, вклучувајќи Boeing KC-135 Stratotanker, постојано се стационирани во Шпанија.Според податоците од FlightRadar24, девет танкери вчера полетале од базата Морон и се упатиле кон Германија. Два лета полетале од Рота кон југот на Франција, додека патот на уште четири лета од Рота не бил прикажан.

Свет | пред 1 месец

Шпанија контра САД, нападот врз Иран го оцени како неоправдан, Санчез повика на воздржаност

Шпанскиот премиер Педро Санчез го оцени американско-израелскиот напад врз Иран како „неоправдан“ и побара „максимална воздржаност во употребата на сила“, заземајќи став спротивен на Германија, Франција и Обединетото Кралство, кои најавија соработка со Соединетите Американски Држави во одбрана на своите интереси.Во обраќање во Барселона на отворањето на телекомуникациската конференција „Мобајл ворлд конгрес“, Санчез изјави дека светот се наоѓа на крстопат.„Се наоѓаме на раскрсница и мора да избереме пат – војна или мир, напредок или неуспех, иднина или минато. Шпанија е јасна во тоа“, рече премиерот.Тој предупреди на последиците од, како што оцени, „опасен преседан на систематско прибегнување кон сила надвор од меѓународното право“ и повторно го осуди кршењето на човековите права во Газа и на Западниот Брег, како и нарушувањето на меѓународното право во Венецуела.Санчез нагласи дека Соединетите Американски Држави и Израел „еднострано“ го нападнале Иран без консултација со меѓународната заедница.„Обезглавија страшен режим што го угнетува своето општество, тоа е вистина. Но го поткопаа меѓународното право и предизвикаа невини жртви“, изјави тој.На критиките од лидерот на десничарската опозиција, Алберто Нуњез Феихо, кој го повика да се изјасни дали е „за слобода или за тирани“, Санчез одговори дека станува збор за лажна дилема.„Може да бидеш против ужасен режим како иранскиот, а истовремено и против неоправдана воена интервенција“, рече премиерот, додавајќи дека со нападите „целата регија е вовлечена во терор што создава глобална нестабилност“.Тој повторно повика на деескалација, почитување на меѓународното право и итно обновување на дијалогот, најавувајќи дека Шпанија ќе го застапува тој став во разговорите со другите земји.Во рамки на истиот настан, и Фелипе Шести предупреди на „критична ситуација“ кон која се движи Блискиот Исток. Монархот посочи дека постои ризик од регионална ескалација со непредвидливи последици и повика на „максимална умереност во употребата на сила“ со цел да се избегне хаос и ново страдање.Кралот се заложи за дијалог, мир и соработка во меѓународната заедница, потсетувајќи и на војната во Украина, која трае веќе четири години без јасна перспектива за мир, и повика на одбрана на универзалните вредности и принципи.

Свет | пред 1 месец

Санчез остро против нападите врз Иран: „Ескалација што го прави светот понепријателски“

Премиерот на Шпанија, Педро Санчез, остро ги осуди американските и израелските напади врз Иран, оценувајќи дека тие претставуваат ескалација што може дополнително да ја дестабилизира регијата и да придонесе кон „понепријателски и понеизвесен меѓународен поредок“.„Ја отфрламе едностраната воена акција на Соединетите Држави и Израел“, напиша Санчез на социјалната мрежа Икс, додавајќи дека ваквите потези го поткопуваат меѓународното право и глобалната рамка за неширење оружје.Реакцијата на Мадрид беше подиректна од ставовите на дел од другите европски лидери. Претседателката на Европска комисија, Урсула фон дер Лајен, и претседателот на Европски совет, Антонио Кошта, во заедничка изјава оценија дека ситуацијата е „длабоко загрижувачка“ и повикаа на воздржаност.Францускиот претседател Емануел Макрон нападите ги опиша како „избувнување на војна“ и најави дека Совет за безбедност на Обединетите нации ќе одржи итна седница.Иако ги осуди нападите, Санчез ја критикуваше и иранската влада и нејзината Револуционерна гарда, повикувајќи на итна деескалација и целосно почитување на меѓународното право.Позицијата на Мадрид се вклопува во пошироката промена на шпанската надворешна политика, со која Шпанија се профилира како еден од најкритичните европски гласови кон политиките на Вашингтон, израелската воена кампања во Газа и репресијата врз протестите во Иран.Во 2024 година, Шпанија ја призна палестинската држава како дел од напорите за решение со две држави, а Санчез активно учествува на самити во арапскиот свет, позиционирајќи го Мадрид како можен посредник во регионот.

Свет | пред 1 месец

Шпанија забранува продажба на енергетски пијалаци за малолетници

Министерот за социјални права и потрошувачка на Шпанија, Пабло Бустиндуј, најави дека земјата ќе ја забрани продажбата на енергетски пијалаци на лица помлади од 16 години, како и на лица под 18 години доколку станува збор за пијалаци што содржат повеќе од 32 милиграми кофеин на 100 милилитри.Како што пренесува ЕФЕ, Бустиндуј изјавил дека енергетските пијалаци „станале закана за здравјето на младите“, посочувајќи дека прекумерната консумација доведува до нарушувања на сонот, промени во однесувањето и кардиоваскуларни заболувања.Тој најави дека регулативата ќе биде донесена со најефикасниот правен инструмент за да стапи во сила во најкус можен рок, без да прецизира датум за почеток на примената.Според податоци на Шпанска агенција за безбедност на храна и исхрана (AESAN), девет од десет граѓани ја поддржуваат забраната, а поддршката кај младите на возраст од 18 до 35 години изнесува 88,3 проценти.Истражувањето покажува дека околу 25 проценти од испитаниците консумираат енергетски пијалаци, во просек двапати неделно, додека речиси половина од тие што ги пијат консумираат најмалку еден дневно. Дополнително, 47 проценти од нив редовно ги мешаат со алкохол.Новата регулатива ќе се надоврзе на веќе постојната забрана за продажба на енергетски пијалаци во училиштата низ Шпанија, воведена од Министерството за потрошувачка.Во извештај од 2021 година, AESAN предупреди дека прекумерниот внес на кофеин може да предизвика несакани ефекти, вклучително нарушувања на сонот, психолошки последици, промени во однесувањето и кардиоваскуларни проблеми.

Свет | пред 1 месец