Излегол само да ги истегне нозете, а потоа неговиот вагон се запалил: Неверојатна приказна од Шпанија

По тешката железничка несреќа во Шпанија, во која утрово се судрија два брзи воза, жителите на блискиот град Урда им помагаат на повредените патници и на нивните семејства.

Според последните информации на шпанските медиуми, во судирот загинале најмалку 68 лица, а 53 повредени биле хоспитализирани, од кои 15 со тешки повреди.

— реклама —

Локалната советничка Изабел Нуњез за BBC ги опиша потресните сцени на кои сведочела за време на прифаќањето на преживеаните. Во градската спортска сала бил организиран прием на патници со полесни повреди, како исеченици и модринки. Некои ги презеле членовите на нивните семејства, додека други со автобуси биле превезени до своите домови.

Нуњез раскажала дека многу патници пристигнале целосно дезориентирани, сè уште под силен впечаток од несреќата.

„Некои беа многу зашеметени и целосно во шок“, изјавила Нуњез, додавајќи дека многумина дури и не знаеле во кој вагон се наоѓале во моментот на судирот.

— реклама —

Според неа, двајца локални полицајци од Урда биле меѓу првите што пристигнале на местото на несреќата.

„Утрово видовме сè и сешто. Еден маж пристигна со мотор, целосно дезориентиран, барајќи ја својата сопруга која била во возот. Беше очаен“, раскажала таа.

— реклама —

Особено ѝ останал во сеќавање маж кој во несреќата се здобил со повреда на главата, но избегнал уште потешки последици благодарение на тоа што непосредно пред судирот го напуштил својот вагон.

„Му помогнавме и на маж со повреда на главата, кој излегол од својот вагон за да ги истегне нозете, и токму тоа го спасило“, изјавила Нуњез.

„Неговиот вагон бил оној што се запалил и во кој имало најмногу жртви. Чувствувал олеснување и благодарност што е жив, но бил длабоко потресен од целата ситуација“, додала таа.

Несреќата се случила утрово околу 8:54 часот во близина на Урда, во шпанската покраина Толедо, на брзата железничка линија меѓу Мадрид и Андалузија.

Му дозволиле да помине на црвено, возел со над 200 км/ч – 68 загинати во Шпанија

Најмалку 68 лица загинаа, а околу 80 се повредени во тешка железничка несреќа во Шпанија, откако брз воз удрил во друг воз кој бил запрен на пругата. Новите информации откриваат дека на машиновозачот му било дозволено да помине на црвен сигнал и да го продолжи патувањето, иако безбедносниот систем бил во дефект. Пред судирот возот достигнал брзина поголема од 200 километри на час.Несреќата се случила утрово, околу 8:53 часот, во близина на местото Урда, во покраината Толедо, на брзата железничка

Свет | пред 3 часа