Трагедија во Шпанија: Фудбалерот Хесус де Мигел почина по судир со противничкиот голман

Шпанскиот фудбал го потресе веста за смртта на напаѓачот на Тенерифе, Хесус де Мигел, кој почина на 30-годишна возраст, откако не ги преживеа последиците од тешкиот судир со противничкиот голман на натпревар од втората шпанска лига.

— реклама —

Несреќата се случила на натпреварот меѓу Тенерифе и Андора, кој бил прекинат во седмата минута од судиското продолжение, при резултат 2:2. По една одбранбена интервенција на Тенерифе, топката стигнала до Де Мигел, кој се најде во изгледна можност за гол. Голманот на Андора, Хесус Овоно, истрчал од гол-линијата, но при интервенцијата силно се судрил со напаѓачот.

— реклама —

Де Мигел ја загубил свеста и останал неподвижен на теренот. Судијата на Овоно му покажал директен црвен картон, а медицинските екипи и фудбалерите на двата тима веднаш притрчале да му помогнат на повредениот играч.

— реклама —

Од Тенерифе првично соопштиле дека фудбалерот е хоспитализиран во тешка, но стабилна состојба. Сепак, неговата состојба се влошила во текот на ноќта, а клубот во вторникот наутро ја потврдил неговата смрт, заедно со Синдикатот на професионални фудбалери на Шпанија.

Тенерифе изрази сочувство на семејството, пријателите и соиграчите на Де Мигел, а семејството побара почитување на приватноста во овие тешки моменти. Сочувство упати и Андора, како и повеќе шпански клубови, меѓу кои Мајорка, Рајо Ваљекано, Валенсија и Осасуна.

— реклама —