Санчез најави помош за семејствата на загинатите во железничката несреќа во Шпанија

Шпанската влада подготвува пакет социјална помош за повредените и семејствата на загинатите во судирот на возови во провинцијата Толедо, во кој животот го загубија 69 лица. Премиерот Педро Санчез најави дека мерките ќе бидат усвоени во вторник, а приоритет на владата е помошта за настраданите.

— реклама —

Санчез истакна дека една од главните обврски на владата е што побрзо да ја врати довербата на граѓаните во брзиот железнички сообраќај во Шпанија. Тој најави и целосна поддршка за независната истрага, со цел темелно и транспарентно да се утврдат причините за несреќата.

— реклама —

Пакетот помош ќе опфати четири мерки: двојно зголемување на задолжителното осигурување од последици од несреќи, исплата на авансна отштета за настраданите, подобрување на надоместоците за привремена спреченост за работа и отворање канцеларии за сеопфатна поддршка на погодените.

— реклама —

Ова е втората тешка железничка несреќа во Шпанија во период од девет месеци. Во претходната несреќа, во градот Адамус во провинцијата Кордоба, загинаа 46 лица. Така, бројот на загинати во двете несреќи достигна 115.

— реклама —

Шпанската влада ја посочи можноста за човечка грешка, но независните истражители од организацијата АИТАТ во прелиминарниот извештај наведоа дека трагедијата била последица на низа дефекти, инструкции и постапки.