Шпанија пред предвремени избори? Санчез најави обраќање во 9 часот

Кабинетот на шпанскиот премиер Педро Санчез најави дека тој денес во 9 часот ќе се обрати пред јавноста, при што се очекува да соопшти одлука за распишување предвремени парламентарни избори.

— реклама —

Можноста за предвремени избори се појави откако Долниот дом на шпанскиот парламент во петокот го отфрли владиниот пакет мерки за справување со станбената криза. Одлуката беше донесена во период на масовни протести поврзани со состојбата со домувањето.

— реклама —

Редовните парламентарни избори се планирани за 2027 година, а Санчез досега повеќепати изјавуваше дека има намера да го заврши целиот четиригодишен мандат и изборите да се одржат во предвидениот рок.

— реклама —

Политичкиот аналитичар Едуардо Бајон оценува дека распишувањето избори во овој момент би било логичен потег, иако носи политички ризик за Санчез.

— реклама —

Од шпанската влада засега не сакаат однапред да потврдат за што точно ќе зборува премиерот во денешното обраќање.