Спорот поради мигрантите во Сеута заврши, Италија и Шпанија ги укинуваат контролите

Италија и Шпанија постигнале договор за укинување на меѓусебните гранични контроли воведени пред три месеци, со што се става крај на спорот што избувна по пристигнувањето на голем број мигранти во шпанската енклава Сеута. Одлуката ја соопшти италијанското Министерство за внатрешни работи, пренесува Ројтерс.

— реклама —

Спорот започнал на 31 јули, кога италијанската десничарска влада еднострано го суспендирала режимот на слободно движење со Шпанија во рамките на Шенген-зоната. Од Рим тогаш образложиле дека целта е да се спречи мигрантите што пристигнале во Сеута да го продолжат патувањето кон Италија.

— реклама —

Мадрид возвратил со воведување исти мерки, оценувајќи ја одлуката на Рим како „неправедна, спротивна на интересите на Европската Унија и дискриминаторска кон населението на Шпанија“.

— реклама —

Договорот за нормализирање на односите бил постигнат по телефонски разговор меѓу министрите за внатрешни работи на двете земји. Според соопштението на италијанското министерство, договорено е привремените гранични контроли да не бидат продолжени.

„Одлуката е донесена по внимателна процена на состојбата, а ќе биде проследена со засилена размена на информации за да се обезбеди целосна безбедност на заедничкиот шенгенски простор“, се наведува во соопштението.