Шпанија во жалост: одложени сите фудбалски натпревари

Железничката несреќа во шпанската провинција Толедо доведе до одложување на сите 24 натпревари од првото коло на Купот на кралот, кои требаше да се одиграат во средата.

— реклама —

Одлуката ја донесе Фудбалскиот сојуз на Шпанија во знак на почит и солидарност со жртвите од трагедијата. Новите термини за одложените натпревари ќе бидат објавени дополнително.

— реклама —

— реклама —

„Шпанското фудбалско семејство е обединето во болката поради оваа трагедија и им стои на располагање на надлежните органи за да им помогне на настраданите“, соопштија од Сојузот.

Засега нема конечна одлука за натпреварите што се планирани за четврток. Фудбалот остана во втор план, додека Шпанија тагува по тешката железничка несреќа.