Меси се приклучи на репрезентацијата, но пропушта пријателски натпревари

Капитенот на аргентинската репрезентација, Лионел Меси, им се приклучи на соиграчите во Канзас Сити, каде што актуелниот светски првак ги продолжува подготовките за претстојното Светско првенство, кое од 11 јуни до 19 јули ќе се одржи во САД, Канада и Мексико.

— реклама —

Аргентинските репрезентативци веќе пристигнаа во САД, а денеска во базата на тимот им се приклучија и Лионел Меси и Родриго де Пол.

— реклама —

Меси пред шест дена заработи повреда на задната ложа на натпреварот на Интер Мајами против Филаделфија во МЛС лигата. По дополнителните лекарски прегледи било утврдено дека повредата не е сериозна, но од претпазливост селекторот нема да смета на него за претстојните пријателски натпревари.

— реклама —

Според аргентинските медиуми, Меси ќе ги пропушти контролните средби против Хондурас и Исланд, со цел целосно да биде подготвен за почетокот на Светското првенство.

Аргентина на Мундијалот ќе настапи во групата Ј, каде за противници ќе ги има селекциите на Алжир, Австрија и Јордан.