Миа Костова се огласи по повод смртта на хрватската инфлуенсерка и блогерка Кристина Ковачевиќ Хитрец, позната како авторка на „Мамин блог“ и мајка на шест деца. Според регионалните медиуми, Ковачевиќ го одзела сопствениот живот, а во јавноста се посочуваат и негативните коментари на интернет како можна причина.
Костова преку стори на „Инстаграм“ упати порака до оние што оставаат навредливи коментари на социјалните мрежи.
„Оваа жена, како една од попознатите мајки во Хрватска, со свој познат блог на Фејсбук, е мајка на шест деца. Рипнала под воз и си го одземала животот. Многу често луѓето кои личат храбри не се, па затоа твојот коментар понекогаш може да е капак за некој да заврши вака. Не! Нема оправдување за тоа што си дебил во коментарите, никој не е должен да те чита. Затоа, засекогаш ќе ги објавувам со лице, име и презиме. Широко небо, Кристина“, напиша Костова.
Нејзината објава предизвика внимание на социјалните мрежи, особено поради апелот да се внимава на начинот на кој се комуницира со луѓето во јавниот простор.
