Мицкоски до Филипче: Тоа што го изгубија идентитетот е нивен проблем, ние сме промакедонска партија

Премиерот Христијан Мицкоски му возврати на претседателот на СДСМ, Венко Филипче, откако лидерот на опозициската партија ја нарече ВМРО-ДПМНЕ „бугарофилска партија“.

— реклама —

Одговарајќи на новинарско прашање, Мицкоски рече дека раководството на СДСМ секојдневно излегува со, како што наведе, „некултурни“ изјави и дека постојано ги менува ставовите.

— реклама —

„Човекот секој ден кажува, а и раководството, работи кои се некултурни, а второ тоа што го кажуваат го менуваат неколкукратно во денот“, рече Мицкоски.

— реклама —

Тој додаде дека ВМРО-ДПМНЕ се смета за „промакедонска партија“, а критиките кон СДСМ ги поврза со прашањето за идентитетот.

— реклама —

„Ние сме промакедонска партија и тоа нас нѐ интересира. Тоа што тие го изгубија својот идентитет е нивен проблем, а со тоа и на избори ќе се соочат“, изјави Мицкоски.