Мицкоски ќе покаже дека навистина е за единство само ако го поддржи европскиот пат, вели СДСМ

Пред сите партии и пратеници во македонското Собрание е одлуката: интеграција во ЕУ или изолација, нема друга опција, вели СДСМ

— реклама —

„Мицкоски ќе покаже дека навистина е за единство и за реализација на националните и стратешките цели на земјата само доколку го поддржи европскиот пат и потребните реформи.

После 17 години стоење во место, започнавме преговори со ЕУ со заштитен македонски јазик и идентитет. Скринингот тече одлично и наскоро ќе финишира.

— реклама —

Државата има историска шанса за продолжување на европскиот пат.

— реклама —

Имаме силна поддршка од ЕУ и САД во значаен геополитички момент којашто треба да ја искористиме затоа што следна ваква шанса, ниту нов договор нема да добиеме.

Сите политички субјекти, вклучително и ВМРО-ДПМНЕ имаат обврска пред граѓаните и иднината на државата, со глас за Европа да дојдеме до остварување на уште една стратешка цел – членство во ЕУ.

— реклама —

Мицкоски се уште има шанса да се претстрои на страната на државните интереси и да се приклучи на европскиот пат“, се вели во соопштението.