Мицкоски најави нова инвестиција на „Кромберг и Шуберт“ и 2.000 нови работни места

Нова инвестиција на германската компанија „Кромберг и Шуберт“, која треба да донесе 2.000 нови работни места и производство на делови за автомобилскиот гигант „Ауди“, најави премиерот Христијан Мицкоски.

— реклама —

Тој истакна дека станува збор за значаен чекор за македонската економија, но и за граѓаните, бидејќи секое ново работно место носи можност за подобра иднина, поголема сигурност за семејствата и подобар животен стандард.

— реклама —

Мицкоски порача дека привлекувањето инвестиции, отворањето работни места и остварувањето конкретни резултати се дел од програмата и целите на Владата.

— реклама —

Воедно, тој ја критикуваше опозицијата, оценувајќи дека наместо проекти и решенија, нејзиното дејствување се сведува на, како што рече, деструкција, лаги и политички опструкции.

„Разликата постои и секој ден станува сè повидлива. Ние продолжуваме да се бориме за секое работно место, за подобар живот и за нашата заедничка иднина“, порача Мицкоски.