Мицкоски најави реконструкција на Владата во мај или јуни

Премиерот Христијан Мицкоски најави дека во мај или јуни ќе се знае дали и кој министер ќе биде разрешен или ќе премине во друго министерство, како дел од планираната реконструкција на Владата.

— реклама —

„Имаме принципелен договор како коалициски партнери, вклучувајќи ја коалицијата предводена од ВМРО-ДПМНЕ, коалицијата „Вреди – Влен“ и политичката партија ЗНАМ. Најавивме дека во мај или јуни ќе имаме реконструкција во Владата и многу прашања ќе бидат ставени на маса и ќе разговараме за нив“ – изјави Мицкоски во одговор на новинарско прашање за министерот Фатмир Лимани.

— реклама —

— реклама —

Премиерот истакна дека коалицијата има исклучително коректна соработка и дека во моментот не гледа простор за нови коалициски договори со други политички субјекти.

„Како коалиција имаме исклучително коректна соработка и не гледам во моментот простор за коалициони договори и преговори со други политички субјекти, затоа што, ќе повторам, образот го чувате цел живот, а го губите само еднаш. Образот го чувате цел живот, а го губите само еднаш“ – посочи Мицкоски.