Мицкоски најави: Следната година се пуштаат првите километри од автопатот Прилеп–Битола

Автопатската делница меѓу Прилеп и Битола следната година би требало да ги добие првите 10 до 12 километри пуштени во двонасочен сообраќај, најави премиерот Христијан Мицкоски.

— реклама —

„Нашиот фокус е целосно на завршување на автопатската делница која треба да ги поврзе Прилеп и Битола. Очекувам следната година првите 10 до 12 километри да бидат пуштени во двонасочен сообраќај“, изјави Мицкоски.

— реклама —

Премиерот најави и изградба на обиколница околу Битола, со поврзување кон граничниот премин Меџитлија. Воедно, како што посочи, се преговара за поврзување на крајот од експресниот пат на Коридорот 10д со автопатската делница која во моментов се гради.

— реклама —

Мицкоски информираше дека Јавното претпријатие за државни патишта ги санира оштетените делници во рамките на своите можности и капацитети.

Тој ги повика возачите да го користат веќе пуштениот експресен пат, кој ги поврзува Прилеп и Градско, додека изградбата и поврзувањето на патната инфраструктура кон Битола, како што нагласи, остануваат меѓу приоритетите на Владата.