Мицкоски по изјавата на Ходаи: Непристојно е навредувањето на професорите, јас сум пријател и поддржувач на студентите

Премиерот Христијан Мицкоски реагираше на изјавата на Бленди Ходаи за студентскиот оброк, оценувајќи дека навредите упатени кон универзитетските професори се непристојни.

— реклама —

Мицкоски рече дека бил непријатно изненаден од изјавата и потсети дека и тој и министерката за образование се редовни професори кои, како што наведе, со години им помагале на генерации студенти да стекнат знаење.

— реклама —

— реклама —

Тој изрази жалење што Ходаи не присуствувал на состанокот со претставниците на студентските движења, на кој се разговарало за студентскиот оброк и можноста месечниот износ да се користи и за дополнителни попусти и привилегии.

— реклама —

Мицкоски порача дека се смета за пријател и поддржувач на студентите и најави дека по завршувањето на политичкиот ангажман повторно ќе се врати на универзитетот. Како примери за поддршката на Владата ги посочи проектите за студентските домови, обезбедувањето електронски уреди за студентите, изградбата на нови универзитетски кампуси и другите најавени вложувања.