Мицкоски: Продолжуваме да инвестираме во проекти кои ќе го подобрат животот на охриѓани

Премиерот Христијан Мицкоски изјави дека Владата ќе продолжи да инвестира во развојот на Охрид, оценувајќи дека градот постепено го добива местото што го заслужува како една од најважните туристички дестинации во државата.

— реклама —

Тој посочи дека очекува автопатската делница Кичево–Охрид да биде целосно пуштена во употреба во првиот квартал од следната година, додека делницата Извор–Врбјани, според најавите, треба да биде завршена уште оваа есен.

— реклама —

Според Мицкоски, со завршувањето на автопатот ќе се скрати времето на патување до Охрид, што ќе придонесе за зголемување на бројот на туристи.

— реклама —

Премиерот упати честитки до градоначалникот, Советот на Општина Охрид, општинската администрација, пратениците и владините функционери за, како што рече, нивниот придонес во реализацијата на развојните проекти во градот.

— реклама —

Тој порача дека Владата и локалната самоуправа ќе продолжат да реализираат проекти кои ќе го подобрат квалитетот на животот на охриѓани и ќе придонесат за понатамошен развој на Охрид.