Мицкоски се сретна со српскиот премиер, разговарале за заеднички проекти

Премиерот Христијан Мицкоски соопшти дека остварил тет-а-тет средба со премиерот на Србија, проф. д-р Ѓуро Мацут.

— реклама —

Како што објави Мицкоски на социјалните мрежи, на средбата било разговарано за актуелните регионални предизвици, можностите за продлабочување на билатералната соработка, економските односи, инфраструктурното поврзување и заедничките иницијативи што би придонеле за развојот на двете држави.

— реклама —

— реклама —

„Во отворен и конструктивен разговор разменивме мислења за актуелните регионални предизвици, можностите за продлабочување на билатералната соработка, економските односи, инфраструктурното поврзување и заедничките иницијативи што ќе придонесат за поголем развој и просперитет на двете држави“, напиша Мицкоски.

— реклама —

Тој додаде дека на средбата била потврдена заедничката определба за натамошно унапредување на пријателските односи, засновани на меѓусебна почит, добрососедска соработка и заеднички интерес за стабилен и просперитетен регион.