Мицкоски: Во недела излезете масовно и гласајте за Стојанчо Радичевски за да не дозволиме повторно да ни се случи СДС

Претседателот на ВМРО-ДПМНЕ, Христијан Мицкоски, од завршниот митинг во Брвеница ги повика граѓаните во недела масовно да излезат на гласање и да го заокружат бројот 1 за кандидатот за градоначалник, Стојанчо Радичевски, со порака дека не треба да се дозволи повторно да се случи СДС.

— реклама —

Мицкоски упати пораки до родителите, пензионерите и земјоделците, повикувајќи ги да се потсетат на периодот кога СДС беше на власт. Тој рече дека тогаш во училиштата немало учебници, пензиите се зголемувале за мали износи, а земјоделците чекале исплата на средства од двегодишни програми.

— реклама —

— реклама —

За разлика од тоа, според Мицкоски, во изминатите 24 до 25 месеци Владата, предводена од ВМРО-ДПМНЕ, ги зголемила платите и пензиите за повеќе од 7.000 денари линеарно, а учебниците се доставуваат до училиштата пред почетокот на учебната година.

„Мораме да излеземе во недела масовно и да го заокружиме бројот 1 за Цоки и да им докажеме дека паметиме и дека никогаш нема да дозволиме повторно тие да ни се случат“, порача Мицкоски.