Мицотакис најавува продолжување на конструктивниот дијалог со Анкара

Грчкиот премиер, Киријакос Мицотакис, изјави дека ќе се обиде да ги надгради последните дипломатски достигнувања меѓу Атина и Анкара, и покрај долгогодишните тензии меѓу двете ривалски земји во Егејското Море, во интервју за магазинот Foreign Policy, пред неговата посета на Турција следната среда.

— реклама —

Мицотакис потенцира дека Грција признава еден главен спор меѓу двете страни: дефинирањето на морските зони во Егејското Море и источниот Медитеран.

— реклама —

— реклама —

„Оваа разлика постои со децении. Но сметам дека во последните години работевме конструктивно за да ги намалиме тензии и да признаеме дека, дури и ако не можеме да го решиме овој голем проблем, кој не е решен со децении, можеме сепак да имаме работна соработка, конструктивна соработка на одредени полиња“, рече Мицотакис.

— реклама —

„Ќе патувам во Анкара, ќе ги изнесам нашите многу јасни точки во врска со нашиот главен спор, но исто така ќе се обидам да ги надградам достигнувањата што ги постигнавме во изминатата година.“