Мигрантска трагедија во Сеута и Мелиља: Бројот на загинати достигна 141

Бројот на загинатите мигранти при масовните обиди за влез во шпанските енклави Сеута и Мелиља достигна 141, додека властите известуваат за стотици повредени и повеќе од 120 уапсени.

Според шпанската телевизија РТВЕ, повикувајќи се на официјални податоци, бројот на загинатите по масовниот обид за влез во Сеута пред една недела се искачил на 96 лица. Од нив, 82 загинале на шпанска, а 14 на мароканска страна.

Мароканското здружение за човекови права (AMDH) проценува дека вкупниот број на загинати достигнал 141 лице, доколку се земат предвид и жртвите од обидот за влез во Мелиља, другата шпанска енклава во Северна Африка.

Директорот на Институтот за судска медицина во Сеута, Мануел Апасеро, потврдил дека главна причина за смртта била механичка асфиксија поради давење.

— реклама —

Обдукциите на сите пронајдени тела се завршени, но досега се идентификувани само шест лица – сите полнолетни мажи со мароканско државјанство.

За да се забрза процесот на идентификација, шпанската цивилна гарда испратила отпечатоци од прстите до мароканските власти за споредба со нивните бази на податоци.

Во истрагата се вклучени и дополнителни форензичари од шпанските градови Касерес, Саламанка, Ваљадолид, Толедо и Гвадалахара.

Припадници на итната помош ја опишаа состојбата кај браната во близина на плажата Тарахал како „ужасна“. Во најинтензивните моменти, на шпанската страна пристигнувале меѓу 60 и 100 луѓе во минута.

— реклама —

„Кога пристигнавме, сцената беше ужасна. Стануваше збор за масовен влез на мигранти, а многумина веќе беа мртви, додека други беа во крајна фаза на исцрпеност“, изјавил Апасеро.

Лекарите се обиделе да реанимираат повеќе лица, но дел од обидите биле неуспешни.

Мароканскиот Национален совет за човекови права (CNDH) соопштил дека на мароканската страна биле регистрирани 236 повредени, меѓу кои 87 припадници на безбедносните сили.

Во врска со масовниот обид за преминување на границата, околу 100 лица биле уапсени во областа на Сеута, меѓу кои 11 малолетници, додека уште 23 лица биле уапсени во близина на Мелиља.

Немирите на мароканската страна предизвикале и значителна материјална штета, при што биле уништени околу 90 приватни и службени возила.

— реклама —

Истрагата на CNDH покажала дека социјалните мрежи имале значајна улога во организирањето на масовниот обид за преминување.

Биле анализирани 23 групи на Фејсбук со повеќе од еден милион членови, во кои, според истрагата, биле објавувани информации за рутите, термините и начините на преминување на морето кон Сеута.

CNDH наведува и дека погрешното толкување на одлуката на шпанскиот Врховен суд за забраната за итно враќање на мигрантите на море можело дополнително да поттикне организирање на масовните обиди за влез.

Мигрантскиот притисок врз Сеута и понатаму трае.

— реклама —

Во петокот е регистрирана смрт на мигрант кој се обидел да влезе на територијата на енклавата со параглајдер.

Во Сеута во моментов се регистрирани 1.342 малолетници, а нивното префрлање на шпанското копно треба да започне во наредните недели.

Трагедијата повторно го отвори прашањето за капацитетите на Сеута за прием на мигранти, особено малолетници, додека локалните власти повторно повикаа на поголема солидарност и помош од останатиот дел на Шпанија.

Ескалира спорот во ЕУ: Шпанија воведува гранични контроли за патниците од Италија

Шпанија од денес ќе воведе привремени контроли на границата за патниците кои пристигнуваат од Италија, откако Рим не ги укина мерките за патниците од Шпанија, воведени поради мигрантската криза во Сеута.Според одлуката на владата во Мадрид, контролите ќе бидат „привремено воведени на внатрешните граници во пристаништата и на аеродромите за патувања од Република Италија“. Како причина се наведува „континуираниот притисок од нерегуларната миграција“ со кој се соочува Италија.Мерките ќе стапат во с

Свет | пред 3 месеци