Милан сака да го задржи Пулишиќ до 2031 година, подготвува нов договор

Милан започнал преговори со Кристијан Пулишиќ за продолжување на договорот, со намера американскиот репрезентативец да остане на „Сан Сиро“ на подолг рок.

— реклама —

Според „Кориере дело Спорт“, раководството на клубот сака разговорите да бидат завршени до крајот на декември, односно пред почетокот на зимскиот преоден рок.

Пулишиќ моментално има договор со Милан до летото 2027 година, со опција клубот да го продолжи за уште една сезона. Сепак, „росонерите“ сакаат да му понудат нов договор со подолг рок, според кој би останал во клубот најмалку до 2031 година.

— реклама —

Во рамките на новиот договор се очекува и значително зголемување на неговата плата. Според информациите на италијанскиот медиум, Милан би можел да му понуди околу пет милиони евра годишно, плус бонуси поврзани со неговите индивидуални и тимски резултати.

— реклама —

Пулишиќ во изминатиот период се соочи со повреди, ограничена минутажа и долг голгетерски пост, но повторно се најде во центарот на вниманието по настапот против Лече. Тогаш постигна гол со кој го прекина речиси деветмесечниот пост во дресот на Милан.

Американецот пристигна во Милан во 2023 година од Челзи и потпиша договор до 2027 година, со можност за продолжување до 2028 година. Во меѓувреме се наметна како еден од поважните играчи во тимот, па клубот сега сака да ја обезбеди неговата иднина на „Сан Сиро“.

Милан по пет одиграни натпревари во Серија А има 11 бода и се наоѓа на петтото место на табелата. Лидер е Рома со два бода повеќе.