„Ајде да играме голф“: Милатовиќ го кани Трамп во Црна Гора

Претседателот на Црна Гора, Јаков Милатовиќ, соопшти дека се сретнал со американскиот претседател Доналд Трамп на маргините на Генералното собрание на Обединетите нации и во таа прилика го поканил да ја посети Црна Гора.

— реклама —

Милатовиќ рече дека на средбата го поканил Трамп да дојде во Црна Гора и да одигра партија голф со поглед кон еден од најубавите заливи во Европа.

— реклама —

Според Милатовиќ, посетата на американскиот претседател би имала посебно значење за Црна Гора.

— реклама —

„Во јуни бевме домаќини на европските лидери во Црна Гора, кои не го криеја својот ентузијазам за убавината на нашата земја. Посетата на претседателот Трамп ќе има посебно значење и ќе биде историска, бидејќи тој ќе биде првиот американски претседател што ќе ја посети Црна Гора“, изјави Милатовиќ.

Тој додаде дека верува оти евентуалната посета на Трамп би била можност да се претстави Црна Гора, но и дополнително да се зајакне пријателството и стратешкото партнерство со САД.