Српскиот композитор Александар Милиќ Мили (52) e итно примен во болница во Истанбул, откако нагло му се слошило и добил силни болки во желудникот. Според српските медиуми, ќе го оперира светски познат турски хирург и веќе е подготвен за во операциона сала.
Пејачот се огласи на Инстаграм и изјави дека е спремен за операцијата.
„Едвај чекам да го решам проблемот. Се надевам дека ќе ми биде полесно“, напиша тој.
Мили веќе неколкупати јавно зборуваше за својата борба со ракот, кој му беше дијагностициран во 1992 година.
