Првиот човек на министерството за земјоделство, шумарство и водостопанство Аријанит Хоџа од редовите на Движењето Беса не ја поддржа денешната Парада на гордоста. Тој својот став јасно го напиша на социјалната мрежа фејсбук.
„Начинот на живот е многу индивидуален и секој има право да живее како што сака. Тоа е демократија. Но, семејните вредности се над сѐ. Тие се основа за градење на здрава иднина. Како родител јас не можам да најдам аргументи да им објаснам на моите три деца каква гордост се промовира на парадата што се најавува. Ја почитувам слободата, како што ги почитувам и различните мислења за одредени теми, но за мене како јавна личност и како политички претставник на Движењето БЕСА во Владата сметам дека институцијата семејство и моралните и традиционалните вредности за она што претставува семејство се нешто свето“, напиша Хоџа на својот профил на Фејсбук.
Денеска за правата на ЛГБТИ заедница маршираа и министерката за одбрана Радмила Шекеринска, министерската за образование Мила Царовска, министрката за труд и социјалан Јагода Шахпаска. На Парадата на гордоста беа и претседателот Стево Пендаровски со сопругата, како и пратенички, политиколози и граѓански активисти како и амбасадори.
