Министерството за здравство: Состојбата во Гостивар е стабилна, нема нови случаи на западнонилска треска

Министерството за здравство соопшти дека епидемиолошката состојба во Гостивар е стабилна и дека континуирано се следи од надлежните здравствени институции.

— реклама —

Според информациите од Министерството, во текот на 1 август се регистрирани 57 први прегледи, што е за три помалку во споредба со претходниот ден, кога биле евидентирани 60 прегледи. Воедно, нема нови хоспитализации.

— реклама —

Заклучно со 1 август, регистрирани се вкупно 1.041 формална пријава за заразна болест, а изработени се и 734 нови епидемиолошки анкети.

— реклама —

Во однос на западнонилската треска, Министерството информира дека до Институтот за јавно здравје не се пријавени нови лабораториски потврдени случаи.

Од Министерството за здравство посочуваат дека, во координација со Институтот за јавно здравје и другите надлежни институции, продолжуваат внимателно да ја следат состојбата и навремено ќе ја информираат јавноста за сите нови сознанија.