Младите брачни парови ќе бидат ослободени од 60 отсто од комуналиите за изградба на дом, најави Ѓорѓиевски

Младите брачни парови до 40 години и самохраните родители кои сакаат да изградат сопствен дом ќе бидат ослободени од 60 отсто од комуналиите што му припаѓаат на Град Скопје, најави градоначалникот Орце Ѓорѓиевски.

— реклама —

Мерката ќе важи за изградба на објекти во рамките на Генералниот урбанистички план, а се однесува на делот од надоместокот за уредување на градежното земјиште што е во надлежност на Градот.

Ѓорѓиевски посочи дека мерката претходно била применета во Општина Кисела Вода, а сега се проширува и на ниво на Град Скопје. Тој ги повика и градоначалниците на скопските општини да се приклучат со ослободување од нивниот дел од комуналиите, со што младите семејства би можеле да добијат целосно ослободување од надоместокот.

— реклама —

Според најавата, мерката ќе стапи во сила по објавувањето во службените гласила, а образецот за аплицирање ќе биде достапен на веб-страницата на Град Скопје.

— реклама —

Градоначалникот нагласи дека целта е да се намали финансискиот товар за младите семејства и да им се овозможи полесно да дојдат до сопствен дом.

— реклама —