Мопедист без возачка повреден во сообраќајка во Гостивар, возачот на другото возило избегал од местото

Седумнаесетгодишен малолетник од Гостивар бил повреден во сообраќајна незгода што се случила на улицата „Браќа Ѓиновски“, а возачот на другото возило го напуштил местото на настанот.

— реклама —

Според информациите од МВР, незгодата била пријавена на 25 октомври, а се случила околу 18:30 часот. Во неа учествувале патничко возило и мопед со гостиварски регистарски ознаки, управуван од малолетникот.

— реклама —

— реклама —

Повредениот бил пренесен во Ургентниот центар во Гостивар, каде што му биле констатирани повредите. При полициските проверки било утврдено дека малолетникот го управувал мопедот без возачка дозвола.

По насоки на јавен обвинител од Основното јавно обвинителство Гостивар, против него е поднесена пријава за безобѕирно управување со моторно возило, согласно член 297-а од Кривичниот законик.