Пусти улици, затворени продавници, тивки ресторани, оштетени згради и кратери од ударот на проектили на асфалтот, табли на зградите кои покажуваат кон најблиското засолниште, вака денес изгледа Белгород.
Некогаш мирниот град, на околу 40 километри северно од руската граница со Украина, се претвори, како што пишува Си-Ен-Ен, во „град на духови“, а морничавата тишина е прекината со редовното завивање на сирените кои предупредуваат за ракетен напад. потсетување дека во соседната земја беснее војна.
Известувањето на медиумите од бојното поле е ограничено, а многу Руси се плашат да проговорат од страв од кривично гонење. Сепак, жителите на Белгород го споделија својот секојдневен живот со CNN преку телефонски и аудио пораки.
Градот Белгород е цел на бројни украински напади. Тоа е и клучен воен центар за руските сили. Во споредба со другите, пооддалечени руски региони кои се релативно недопрени, Белгород го сноси најголемиот дел од војната. Пред неколку недели беше изложен на речиси секојдневно гранатирање и напади со беспилотни летала.
На крајот на март, гувернерот на Белгородската област, Вјачеслав Гладков, изјави дека во нападите за помалку од две недели загинале 24 лица, а 152 се ранети.
https://twitter.com/GeneGreen344103/status/1782240428714070371
