Москва најави „болен“ одговор кон Австрија по протерувањето на руски дипломати

Русија ќе одговори со соодветни мерки на одлуката на Австрија да протера четворица руски дипломати, но последиците за Виена ќе бидат болни, изјави заменик-министерот за надворешни работи на Русија, Дмитриј Љубински, за агенцијата ТАСС.

— реклама —

Тој нагласи дека, како што рече, секој непријателски потег на австриските власти кон Русија наидува и ќе продолжи да наидува на соодветен одговор од Москва.

— реклама —

— реклама —

На 23 октомври Австрија ги прогласи за непожелни четворица руски дипломати и им нареди да ја напуштат земјата. Тројца од нив работеле во руската амбасада во Виена, додека четвртиот бил член на руската делегација при Организацијата за безбедност и соработка во Европа, каде што бил задолжен за воена безбедност и контрола на вооружувањето.

— реклама —

Според агенцијата Асошиејтед прес, разузнавачките служби ги поврзале дипломатите со шпионски активности.